Köhnə versiya

Ən son xəbərlər

Son buraxılış
Arxiv

Azərbaycanda beynəlxalq və daxili yükdaşıma əməliyyatları fasiləsiz aparılır

"Azərbaycan Dəmir Yolları” QSC neft və neft məhsulları, qida məhsulları, tikinti materialları və digər yüklərin müntəzəm daşınmasını təmin edir.

QSC-dən verilən məlumata görə, koronavirusun yarada biləcəyi təhlükənin qarşısının alınması məqsədilə “Azərbaycan Dəmir Yolları” QSC-nin Həkim-Sanitar Xidmətinin dezinfektorları ölkə ərazisinə daxil olan yük qatarlarında qabaqlayıcı tədbirlər həyata keçirirlər:

"Abşeron dairəvi dəmir yolu xətti ilə hərəkət edən sərnişin qatarlarında da gündəlik dezinfeksiya işləri aparılır. Bütün bunlar bir çox insanın gərgin əməyi sayəsində mümkün olur. Onlar öz vəzifə borcunu yerinə yetirmək üçün işə çıxırlar, evlərini üzürlü səbəbdən tərk edirlər.

Əziz izləyicilər, sizdən xahiş edirik, xüsusi karantin rejiminə riayət edin, bu məsələni çox ciddi qəbul edin. Vacib zərurət olmadan evdən çıxmayın. Əhalimizin sağlamlığı hər birimizin əlindədir.

Biz sizin üçün işə gəlmişik. Siz isə özünüz üçün evdə qalın!"

3 2020 16:56 -

Köhnə versiyamızdan xəbərləri izlə