Köhnə versiya

Ən son xəbərlər

Son buraxılış
Arxiv

Bu ilin I rübündə texniki şuralara 519 müraciət daxil olub

2020-ci ilin I rübü ərzində Energetika Nazirliyinin tabeliyində olan Enerji Məsələlərini Tənzimləmə Agentliyi tərəfindən sahibkarlıq obyektlərinin elektrik şəbəkəsinə qoşulması ilə bağlı “ASAN xidmət” və “ASAN Kommunal” mərkəzlərində fəaliyyət göstərən texniki şuralar vasitəsilə 519 müraciətə baxılıb.

Energetika Nazirliyindən verilən məlumata görə, rüb ərzində qəbul edilmiş müraciətlərdən 518-nin icrası təmin edilib, 1 müraciətdən isə təqdim edilmiş sənədlərdəki uyğunsuzluqlar səbəbindən imtina edilib.

Hazırda “ASAN xidmət” və “ASAN Kommunal” mərkəzlərində 12 texniki şura fəaliyyət göstərir.

Xatırladaq ki, texniki şuralar Azərbaycan Prezidentinin 2017-ci il 4 aprel tarixli fərmanının 2-ci hissəsinə əsasən, sahibkarların mövcud və ya inşa ediləcək tikinti obyektlərinin elektrik enerjisi ilə təchizatı prosedurunun sadələşdirilməsi məqsədilə yaradılıb.

V.BAYRAMOV,

”Xalq qəzeti”

3 2020 12:38 - XƏBƏRLƏR
XƏBƏRLƏR

Köhnə versiyamızdan xəbərləri izlə