Köhnə versiya

Ən son xəbərlər

Son buraxılış
Arxiv

Azərbaycanda dezinfeksiya mayesinin istehsalına dair təkliflər hazırlanıb

Respublikada ekoloji təhlükəsiz dezinfeksiya mayesinin kütləvi istehsalına dair təkliflərin hazırlanması ilə bağlı layihənin rəhbəri Əhəd Bəşirov bildirib ki, hazırda məsələ ilə əlaqədar müvafiq səhiyyə təşkilatlarına müraciət olunub və operativ qərargaha da təkliflər təqdim ediləcək.

“Neytral anolit” deyilən maddə, epidemiya və pandemiya ilə mübarizədə bir nömrəli dezinfeksiya vasitəsi sayılır. Burada söhbət müxtəlif konsentrasiyada ionlaşdırılmış duzlu sudan gedir. Biz bununla bağlı dövlətdən uyğunluq sertifikatı və ixtira sənədi əldə etmişik. Hazırda “Biosan Eco” adlandırılan bu mayenin kiçik istehsalı mövcuddur. İstehsal həcmi təqribən günə 300 litr təşkil edir. Yaxın iki həftəyə isə bu həcmin 1 tona çatdırılacağı gözlənilir. Əlbəttə ki, bu həcm olduqca azdır və məhsulun kütləvi istehsalına nail olmaq gərəkdir ki, daxili tələbat tam ödənilsin”, - deyə Ə. Bəşirov qeyd edib.

O daha sonra vurğulayıb ki, məhsulun ölkədə kütləvi istehsalı iqtisadi səmərəlilik baxımından olduqca böyük əhəmiyyət kəsb edir: “Yerli məhsul qiymət baxımından dünyada olan analoqlardan hər litrinə görə 10 dəfəyədək daha ucuz başa gələcək. Nümunə olaraq bildirim ki, Almaniyanın “Anosan” şirkətinin bu növ məhsulunun 1 litri 28 avroya, Türkiyənin “Kristalin” şirkətinin məhsulunun qiyməti isə 30-35 manata başa gəlir. Yerli məhsulun bir litrinin qiyməti isə 3-5 manat civarında olacaq”.

V. BAYRAMOV,

“Xalq qəzeti”

29 2020 11:31 - SOSİAL HƏYAT
SOSİAL HƏYAT

Köhnə versiyamızdan xəbərləri izlə