Köhnə versiya

Ən son xəbərlər

Son buraxılış
Arxiv

Şəmkir: Soyqırımı fotoların dili ilə şərh etdilər, “Sonsuz dəhliz”ə baxdılar

Şəmkir rayonunda Xocalı soyqırımının iyirmi səkkizinci ildönümü ilə əlaqədar anım tədbiri keçirilib.

Mərasimdə Şəmkir Rayon İcra Hakimiyyətinin başçısı Alimpaşa Məmmədov, rayonun hüquq-mühafizə orqanlarının, müəssisə və təşkilatların rəhbərləri, təhsil və səhiyyə işçiləri, gənclər, rayon ictimaiyyətinin nümayəndələri iştirak ediblər.

Xocalı şəhidlərinin xatirəsi bir dəqiqəlik sükutla yad olunub.

Tədbirdə əvvəlcə Xocalı soyqırımı ilə bağlı faktlar əsasında Şəmkir Gənclərinin İnkişaf və Karyera Mərkəzinin direktoru Kənan İbrahimov çıxış edib, fotolarla soyqırım haqqında ətraflı məlumat verib.

Daha sonra tədbir iştirakçıları Leyla Əliyevanın təşəbbüsü ilə “Xocalıya ədalət!” təbliğat kampaniyası çərçivəsində çəkilən “Sonsuz dəhliz” sənədli filminə baxıblar.

Hamlet Qasımov,
“Xalq qəzeti”nin bölgə müxbiri

26 Fevral 2020 15:40 - XOCALI
XOCALI

Köhnə versiyamızdan xəbərləri izlə