Köhnə versiya

Ən son xəbərlər

Son buraxılış
Arxiv

1480 soydaşımız erməni əsir və girovluğundan xilas edilib

Əsir və itkin düşmüş, girov götürülmüş vətəndaşlarla əlaqədar Dövlət Komissiyası Ermənistan - Azərbaycan, Dağlıq Qarabağ münaqişəsi nəticəsində itkin düşmüş şəxs kimi qeydə alınanlarların yeni statistikasını açıqlayıb.

Dövlət Komissiyasının İşçi qrupundan mediaya verilmiş məlumata görə, 1 yanvar 2020-ci il tarixinə Dağlıq Qarabağ münaqişəsi nəticəsində itkin düşmüş şəxs kimi qeydə alınanlarların sayı 3 min 889 nəfərdir.

İtkin düşmüş şəxs kimi rəsmi qeydiyyata alınmış hərbçilərin sayı 3 min 170 nəfər, mülki şəxslərin sayı 719  nəfərdir. Ümumilikdə, itkinlərin 3 min 622 nəfərini kişilər, 267 nəfərini isə qadınlar təşkil edir.

İtkin kimi qeydə alınmış mülki şəxslərdən uşaqlar 71 nəfər, qadınlar 267 nəfər, qocalar 326 nəfərdir.

Əsir-girov götürülməsi barədə Dövlət Komissiyasına məlumatlar daxil olmuş şəxslər isə hazırda 871 nəfər təşkil edir.  Bunlardan 773-ü kişilər, 98-i qadınlardır. Əsir-girov götürüldüyü bildirilən şəxslərin 604 nəfəri hərbçi, 267 nəfəri mülki şəxsdir. Mülki şəxslərin 29 nəfəri uşaqlar, 98 nəfəri qadınlar, 112 nəfəri qocalardır.

1 yanvar 2020-ci il tarixinə olan məlumata görə, əsir və girovluqdan azad edilmiş şəxslər 1480 nəfərdir. Onlardan 378 nəfər hərbçilər, 1102 nəfər mülki şəxslərdir. Əsir və girovluqdan azad edilmiş mülki şəxslərin  224-ü  uşaqlar,  357-si qadınlar,  225-i qocalardır.

R.TAHİR,
“Xalq qəzeti”

28 2020 15:35 - XƏBƏRLƏR
XƏBƏRLƏR
15 İyul 2020 | 06:19
Yeni dünyanın güclü lideri

Köhnə versiyamızdan xəbərləri izlə