Köhnə versiya

Ən son xəbərlər

Son buraxılış
Arxiv

SHXÇDX vətənpərvərlik təbliğatı ilə bağlı daha bir layihəyə start verdi

Səfərbərlik və Hərbi Xidmətə Çağırış üzrə Dövlət Xidməti (SHXÇDX) fəaliyyətinin prioritet istiqamətlərindən biri kimi yeniyetmə və gənclərin vətəndaşlıq hissinin, vətənpərvərlik ruhunun güclənməsi sahəsində ardıcıl layihələr həyata keçirir.

Vətən naminə çalışmaq, onu qorumağa hər an hazır olmaq, Vətənin, xalqın, soydaşlarının hər bir uğuruna sevinmək hissi təbii olsa da, bütün digər hisslər kimi tərbiyəyə ehtiyacı var və təbliğat yolu ilə daha da möhkəmlənir. Bu işlərin davamı olaraq, yaradılmasının 8-ci ildönümü ərəfəsində SHXÇDX tərəfindən respublikanın bütün şəhər və rayonlarını əhatə edən, əhalinin daha sıx məskunlaşdığı ərazilərdə, küçə və meydanlarda, ictimai yerlərdə təbliğatın aparılması məqsədilə vətənpərvərliyi tərənnüm edən banerlər quraşdırılmışdır.

Xatırladaq ki, bundan əvvəl Xidmət tərəfdaş qurumlar - Bakı Metropoliteni QSC, Azərbaycan Dəmir Yolları QSC və Bakı Nəqliyyat Agentliyi ilə birgə SHXÇDX tərəfindən hazırlanmış video çarxların metro stansiyalarında, sərnişin vağzallarında, Nəqliyyat Mübadilə Mərkəzində yayımını həyata keçirmişdir.

 

Əfsanə BAYRAMQIZI,
 “Xalq qəzeti”

28 2020 11:51 - XƏBƏRLƏR
XƏBƏRLƏR
15 İyul 2020 | 06:19
Yeni dünyanın güclü lideri

Köhnə versiyamızdan xəbərləri izlə