Köhnə versiya

Ən son xəbərlər

Son buraxılış
Arxiv

Zelenski ilə Merkel arasında telefon danışığı olub

Bu il yanvarın 15-də Ukrayna Prezidenti Vladimir Zelenski və Almaniyanın Kansleri Angela Merkel arasında telefon danışığı olub. Bu barədə Ukrayna rəsmilərinə istinadən “Anadolu” agentliyi məlumat yayıb.

Telefon danışığı zamanı təbii qazın Ukraynadan Avropaya nəqlinə dair razılaşma müzakirə edilib.
Vladimir Zelenski əldə olunan güzəştlərdən və yeni müqavilənin bağlamasından məmnunluğunu bildirib, vasitəçiliyə görə Almaniyaya təşəkkürünü bildirib.
Angela Merkel qeyd edib ki, növbəti vəzifə rəqabət qabiliyyətini artırmaq üçün Ukraynanın qaz nəqli sisteminə qoyulan sərmayənin artırılmasını təmin etməkdir.
Xatırladaq ki, Ukrayna, Rusiya və Avropa İttifaqı 5 il müddətinə, 10 il uzadılma imkanı ilə yeni qaz müqaviləsi imzalayıb.
Müqaviləyə əsasən, birinci ildə minimum 65 milyard kubmetr, növbəti 4 il ərzində isə 40 milyard kubmetr qazın vurulması nəzərdə tutulur.

Mahmud QƏRİBOV, “Xalq qəzeti” 

17 Yanvar 2020 00:45 - XƏBƏRLƏR
XƏBƏRLƏR
27 Sentyabr 2020 | 16:07
Kəndlərimiz azad edilib

Köhnə versiyamızdan xəbərləri izlə