• RUB: 0.0260
  • TRY: 0.2990
  • EUR: 1.9649
  • USD: 1.7000
  • Bakı + 15.4 ° C / 96%

Ən son xəbərlər

Son buraxılış
Arxiv

XVIII əsr Azərbaycan şairinin ana dilimizdə şeirləri aşkarlanıb

XVIII əsr Azərbaycan şairinin ana dilimizdə şeirləri aşkarlanıb

Azərbaycan Milli Elmlər Akademiyasının Məhəmməd Füzuli adına Əlyazmalar İnstitutunun elmi işlər üzrə direktor müavini, filologiya üzrə elmlər doktoru Paşa Kərimov indiyədək adı ədəbiyyat tariximizə düşməmiş XVIII əsr Azərbaycan şairi Mir Fəttah Marağayinin anadilli şeirlərini aşkar edib. Bu məlumatı  institutun İctimaiyyatlə əlaqələr şöbəsi vermişdir.

 Mir Fəttah Marağayi dövrünün görkəmli mütəsəvvif alimi, Marağa şəhərinin şeyxülislamı, Səfəvi hökmdarı Sultan Hüseynin müasiri olmuş, 1761-ci ildə Kərim xan Zəndin hakimiyyəti dövründə vəfat etmişdir. Onun ədəbi irsinə "Riyazül-fütuh" və "Saqinamə" adlı məsnəviləri, eləcə də, şeirləri daxildir. Şair ana dilindəki şeirlərini "Fəttah", farsca şeirlərini "İşraq" təxəllüsü ilə yazmışdır. Mir Fəttah Marağayinin Məclis kitabxanasından surəti əldə edilmiş 77 vərəq həcmindəki anadilli şeirləri Kərbəla hadisələrinə həsr edilmiş, yüksək bədiiliyi ilə seçilən sadə dildə yazılmış məsnəvilərdir.

 

M.MÜKƏRRƏMOĞLU,
“Xalq qəzeti”

22 2018 13:36 - XƏBƏRLƏR
XƏBƏRLƏR

Ən son xəbərləri səhifəmizdən də izləyin