Qəlbimiz Azərbaycanın nəbzi ilə bir döyünür

Biz, xaricdə yaşayan azərbaycanlılar  ölkəmizi qazandığı uğurları  mütamadi olaraq izləyirik. Artıq  dünyanın hər  yerində Azərbaycanın diaspor təşkilatları yaradılmış və ölkəmizin  nailiyyətləri dünyayada təbliğ etməklə məşğuldur. 

Mən Londonda yaşayıram. Buradakı  azərbaycanlılar bir neçə   diaspor təşkilatında  birləşmişlər.  Londaonda  fəaliyyət  göstərən və mənim üzvü olduğum  Azərbaycan  Cəmiyyyəti Avropada tanınan təşkilatlardandır. Bu təşkilat 2000-ci ildə Londonda təhsil alan tələbələr tərəfindən təsis olunub. Ətrafında azərbaycanlıları, ingilislər və digər türkdilli xalqların nümayəndələrini  toplayıb.

Qeyri-rəsmi məlumatlara görə, hər il onlarca azərbaycanlı  gənc İngiltərəyə  bakalavr və təhsili almaq üçü bura  üz tutur.  Burada yaşayan  tələbələrimiz Azərbaycanın İngiltərədəki nüfuzunu artırmağa can atırlar. 2005-ci ildə azərbaycanlı tələbələrin bir araya gəlməsi ilə  Azərbaycan Gənclər Klubu təsis  edilmişdir.  Paralel olaraq, 2005-ci ildə Bakıda Azərbaycan-Böyük Britaniya Məzunlar Birliyi yaradılmışdır.

Bizim cəmiyyətin əsas məqsədlərindən biri Ermənistan-Azərbaycan, Dağlıq  Qarabağ  münaqişəsi və Azərbaycanın ərazi bütövlüyü problemi ilə bağlı Britaniya icmasında obyektiv rəyin formalaşdırılmasına dəstək verməkdir.

Londonda yeni fəaliyyətə başlayan Azərbaycan Mədəniyyət Mərkəzi  İngiltərədə yaşayan azərbaycanlılar üçün bir fəaliyyət  məkanına  çevrilmişdir.  Diasporla  İş üzrə Dövlət  Komitəsinin    dəstək verdiyi mərkəzin təsisçısı Sevil Aslanovadır.

Bu gün mərkəz Azərbaycan mədəniyyəti ilə bağlı  mühüm layihələri  reallaşdırmaqla məşğuldur.  Mərkəzin nəzdində siyasət, incəsənət, idman  və gənclər klubu fəaliyyət göstərir.

Londonda ilk azərbaycan məktəbi olan "Caspian-Xəzri" 29 aprel 2006-cı ildən fəaliyyət göstərir. İkinci bir tədris mərkəzi isə London - Azərbaycan Məktəbidir ki,  bu təhsi ocağı da 2017-ci ildə təsis edilib və bu  gün fəaliyyətini davam etdirir.

Yuxarıda adları sadalanan təşkilatlar ölkəmizin Böyük Britaniyadakı səfirlilyinin də dəstəyi ilə, mütamadi olaraq  Azərbaycanın bayram və digər  əlamətdar  günlərində xüsusi proqramlarla yerli diaspor cəmiyyətlərinin üzvlərini bir araya toplayırlar. Bir sözlə, qəlbimiz Azərbaycanın nəbzi ilə bir döyünür.

Əfqan ƏFƏNDİZADƏ,
Londondakı Azərbaycan Cəmiyyətinin üzvü