Köhnə versiya

Ən son xəbərlər

Son buraxılış
Arxiv

Çinə qarşı əlavə ticarət rüsumları təxirə salınıb

Federal Reyestrdə (ABŞ hökumətinin rəsmi sənədlər külliyyatı) dərc olunan bəyanatda ABŞ-ın Çinə qarşı əlavə ticarət rüsumlarının qüvvəyə minməsinin rəsmən təxirə salındığı bildirilib. Bu barədə TASS məlumat yayıb.
Bəyanatda qeyd edilir ki, “ABŞ-ın ticarət nümayəndəsi Prezidentin göstərişinə uyğun olaraq 301-ci maddə (“ədalətsiz ticarət tərəfdaşlarına qarşı” mümkün sanksiyaları nəzərdə tutan ticarət barədə qanun) üzrə təhqiqat çərçivəsində həyata keçiriləcək tədbirləri dəyişmək qərarına gəlib və Çindən idxal olunacaq müəyyən məhsullara dekabrın 15-nə planlaşdırılan 15 faiz həcmində əlavə rüsumları növbəti bildirişə qədər dayandırır”.
Mənbə qeyd edir ki, ABŞ və Çin dekabrın 13-də ticarət sövdələşməsinin birinci fazası üzrə razılığa gəlib. Birləşmiş Ştatların ticarət danışıqlarındakı nümayəndəsi Robert Laythayzer əldə olunan sazişin Amerika məhsullarının Çinə idxal həcmini ikiillik dövr ərzində 200 milyard dollara qədər artırmağa və ABŞ-ın ticarət kəsirini azaltmağa imkan verəcəyini deyib.
Bununla yanaşı, sazişin bitmə vaxtı yoxdur. Ticarət nümayəndəsinin sözlərinə görə, Amerikanın Çin məhsulları üçün azaldılmış rüsumları sazişin imzalanmasından 30 gün sonra qüvvəyə minəcək.
Xatırladaq ki, əlavə rüsumlar dekabrın 15-də yerli vaxtla saat 00:01-də qüvvəyə minməli idi.

Rövşən ATAKİŞİYEV, “Xalq qəzeti”

14 Dekabr 2019 20:40 - XƏBƏRLƏR
XƏBƏRLƏR

Köhnə versiyamızdan xəbərləri izlə