Köhnə versiya

Ən son xəbərlər

Son buraxılış
Arxiv

“Heydər Əliyevin qoyduğu özül müasir Azərbaycanın parlaq uğurlarının təməl daşıdır”

TASS İnformasiya Agentliyinin baş direktorunun birinci müavini Mixail Qusman bildirib ki, Heydər Əliyevin qoyduğu özül müasir Azərbaycanın parlaq uğurlarının təməl daşıdır.

Mixail Qusman qeyd edib ki, Heydər Əliyevin həyatdan ­getdiyi faciəvi gün uzaqlaşdıqca, onun şəxsiyyətinin miqyası, müasir Azərbaycanın yaranmasına verdiyi misilsiz töhfənin əhəmiyyəti daha çox anlaşılır: “Xalqın xahişi ilə Vətənə qayıdan Heydər Əliyev sevimli Azərbaycanını çox ağır vəziyyətdə tapdı. Ölkəni faktiki olaraq parçalayırdılar. Dövlət Qarabağda separatçıların başladığı müharibədən əziyyət çəkirdi. Xəzinə boşalmışdı. Azərbaycan daxilindəki antimilli qüvvələr öz tamahkar məqsədləri üçün onsuz da dramatik olan vəziyyəti daha da çətinləşdirmək üçün fəaliyyət göstərirdilər”.
Mixail Qusman vurğulayıb ki, yalnız Heydər Əliyevə məxsus əyilməz iradə, dərin siyasi istedad, fövqəladə strateji görüş ona kifayət qədər qısa müddət ərzində Azərbaycan cəmiyyətinin ən sağlam qüvvələrini, əsl vətənpərvərləri ətrafına toplamağa imkan verdi: “Yalnız xalqın öz liderinin müdrikliyinə inamı Azərbaycanı qaçılmaz görünən faciədən xilas etdi. Yeri gəlmişkən, mən bir müddət əvvəl Rusiyanın sabiq yanacaq və energetika naziri, Azərbaycanda olmuş və Heydər Əliyevlə görüşmüş Yuri Şafraniklə söhbət etdim. O bildirdi ki, heç bir ölkə Azərbaycanın o dövrdə düşdüyü qədər ağır bir vəziyyətdə olmayıb. Heydər Əliyevin qəbul etdiyi qərarlar ölkəni xilas etməyə, dərin siyasi və iqtisadi böhrandan çıxarmağa imkan verdi”.
M.Qusman bildirib ki, bu kontekstdə Heydər Əliyevin “Əsrin müqaviləsi” ilə bağlı tarixi, müdrik qərarını xüsusi qeyd etmək lazımdır: “Mən hər zaman Heydər Əliyevi Azərbaycanın xilaskarı adlandırmışam və adlandırıram. Tamamilə aydındır ki, o dövrdə Heydər Əliyevin liderliyi olmasa idi, ölkənin taleyi necə olacaqdı. Onun möhkəm daxili və çoxqütblü xarici siyasəti Azərbaycana çox qısa müddətdə kənarında dayandığı uçurumdan xilas olmağa, bundan əlavə, müasir, inkişaf etmiş və güclü dövlətin əsasını qoymağa imkan verdi.
Heydər Əliyev ölkənin xilaskarıdırsa, Prezident İlham Əliyev müasir Azərbaycanın memarıdır. Prezident İlham Əliyevə ümummilli lider Heydər Əliyevdən dövlət quruculuğunun siyasi, iqtisadi, inzibati, sosial və mədəni sahələrində siyasi uzaqgörənlik və müasir dünyada mürəkkəb dəyişiklikləri proqnozlaşdırmaq qabiliyyəti irsən keçib. Suveren, müstəqil Azərbaycanın rəhbəri olaraq o, bu bacarıqları gündəlik fəaliyyətində tətbiq edir. Bu gün Azərbaycan dünyanın ən aparıcı və inkişaf etmiş ölkələrindən biridir və bu, qeyd-şərtsiz Prezident İlham Əliyevin xidmətidir”.

 

 

13 Dekabr 2019 00:34 - XƏBƏRLƏR
XƏBƏRLƏR

Köhnə versiyamızdan xəbərləri izlə