Köhnə versiya

Ən son xəbərlər

Son buraxılış
Arxiv

Riqada Nəsiminin 650 illik yubileyi qeyd olunub

Latviyanın paytaxtı Riqa şəhərində Azərbaycan ədəbiyyatının görkəmli nümayəndəsi İmadəddin Nəsiminin 650 illik yubileyinə həsr olunmuş "650 illik dəyər" adlı ədəbi-bədii gecə keçirilib.

Diasporla İş üzrə Dövlət Komitəsindən verilən məlumatda bildirilir ki,  tədbir Azərbaycanın Latviyadakı səfirliyinin dəstəyi, Riqa Klassik Gimnaziyasının müdiri Roman Əliyev və onun xanımı Gunay Əliyevanın təşkilatçılığı ilə gerçəkləşdirilib. Gecədə gimnaziyanın müəllim-tələbə heyəti, diaspor üzvlərimiz, Türkiyənin Latviyadakı səfirliyinin müşaviri Meliha Gülce Kumrulu iştirak ediblər.

Sevinc və Rasim Məmmədovların aparıcılıq etdikləri tədbirin açılış hissəsi Azərbaycan, latış və rus dillərində təqdim olunub. Riqa Klassik Gimnaziyasının tələbə və məzunlarının ifasında latış dilində Nəsiminin həyat və yaradıcılığı haqqında məlumat verilib, xalq şairi Qabilin Nəsimiyə həsr etdiyi poemadan səhnələşdirilmiş parçalar təqdim olunub. Samir Əzizovun Nəsimi obrazını məharətlə ifa etməsi, Nəsiminin “Hardasan” qəzəlini Gunay Əliyeva ilə M.Çexov adına Riqa Rus Dram teatrının tanınmış aktyoru Yakov Rafalsonun birgə səsləndirməsi gecəyə xoş ovqat bəxş edib.

Professor Zümrüd Dadaşzadənin qədim adət-ənənələrimizi video və slaydlar vasitəsilə əcnəbi qonaqların nəzərinə çatdırması böyük marağa səbəb olub. Tədbirdə Nəsimi dövrünün məşhur musiqi alətləri nümayiş etdirilib.

 

Samirə Əliyeva,
“Xalq qəzeti”

3 Dekabr 2019 15:02 - MƏDƏNİYYƏT
MƏDƏNİYYƏT
17 Mart 2020 | 11:58
Vaqif Mustafazadə – 80

Köhnə versiyamızdan xəbərləri izlə