AZƏRBAYCAN RESPUBLİKASI NAZİRLƏR KABİNETİNİN QƏRARI

№ 394         Bakı şəhəri, 17 sentyabr 2018-ci il

Azərbaycan Respublikası Nazirlər Kabinetinin 1993-cü il 1 iyul tarixli 343 nömrəli qərarı ilə təsdiq edilmiş “Мilli sertifikatlaşdırma sistemi haqqında Əsasnamə”də dəyişiklik edilməsi haqqında

“Lisenziyalar və icazələr” portalı haqqında Əsasnamə”nin  təsdiq edilməsi barədə” Azərbaycan Respublikası Prezidentinin  2017-ci il 21 yanvar tarixli 1205 nömrəli Fərmanına əsasən Azərbaycan Respublikasının Nazirlər Kabineti QƏRARA ALIR:

Azərbaycan Respublikası Nazirlər Kabinetinin 1993-cü il 1 iyul tarixli 343 nömrəli qərarı ilə təsdiq edilmiş “Milli sertifikatlaşdırma sistemi haqqında Əsasnamə”nin 2.4.2-ci yarımbəndinə aşağıdakı məzmunda ikinci cümlə əlavə edilsin:

“Milli akkreditasiya qurumu qeydiyyata alınmış uyğunluq sertifikatları ilə bağlı informasiya ehtiyatının “Lisenziyalar və icazələr” portalına inteqrasiyasını təmin edir.”.

Novruz MƏMMƏDOV

Azərbaycan Respublikasının Baş naziri