Köhnə versiya

Ən son xəbərlər

Son buraxılış
Arxiv

Ölkəmizdə sosial xidmət mərkəzlərinin sayı artır

Ölkəmizdə sosial xidmət mərkəzlərinin sayı artır

Prezident İlham Əliyevin sərəncamına uyğun olaraq, xüsusi qayğıya ehtiyacı olan uşaqlar və digər şəxslər üçün Əmək və Əhalinin Sosial Müdafiəsi Nazirliyinin sifarişləri əsasında icra olunan  reabilitasiya yönümlü sosial xidmət layihələrinin miqyası əhəmiyyətli dərəcədə genişlənib.
Sərəncamın icrası işləri çərçivəsində bölgələrdə yeni sosial xidmət və reabilitasiya mərkəzləri yaradılıb. Nəticədə günərzi qayğı mərkəzlərinin sayı 28-dən 70-ə, icma əsaslı sosial reabilitasiya mərkəzlərinin sayı 22-dən 49-a çatıb. Həmçinin autizm və daun sindromlu uşaqlar üçün 14 psixoloji yardım mərkəzi yaradılıb. Eşitmə və nitq qabiliyyəti zəif olan sağlamlıq imkanları məhdud uşaqlar üçün reabilitasiya və surdoloji xidmət mərkəzlərinin sayının 2-dən 10-a, məişət zorakılığından zərər çəkmiş şəxslər üçün yardım mərkəzlərinin sayının 1-dən 15-ə, görmə imkanları məhdud uşaqlar üçün sosial reabilitasiya mərkəzlərinin sayının 1-dən 3-ə çatdırılması təmin edilib. Ahıllar üçün 5 günərzi qayğı mərkəzi,  sağlamlıq imkanları məhdud uşaqlara davranış üzrə valideynlər üçün 10 dəstək mərkəzi, ahıllar üçün 5 günərzi qayğı mərkəzi və s. də yaradılıb.
Ümumilikdə, reabilitasiya yönümlü sosial xidmət layihələri üzrə xüsusi qayğıya ehtiyacı olan uşaqlar və digərləri üçün sosial xidmət mərkəzlərinin sayı 3,5 dəfə artıb və  200-ə yaxın mərkəzdə 8 mindən çox şəxsə xidmətlər göstərilir.

 

Z.BƏŞİRQIZI, 
“Xalq qəzeti”

 

15 Noyabr 2019 22:32 - XƏBƏRLƏR
XƏBƏRLƏR

Köhnə versiyamızdan xəbərləri izlə