Köhnə versiya

Ən son xəbərlər

Son buraxılış
Arxiv

İçərişəhərdə “Sirlərin ahəngi” adlı sərgi açılacaq

İçərişəhərdə “Sirlərin ahəngi” adlı sərgi açılacaq

Azərbaycanın gənc və istedadlı rəssamı Zöhrab Salamzadənin İçərişəhərdə yerləşən “Art Tower” qalereyasında “Sirlərin ahəngi” adlı sərgisi açılacaq.

Noyabrın 19-na planlaşdırılan sərgi “İçərişəhər” Dövlət Tarix-Memarlıq Qoruğu İdarəsi və “Arts Council Azerbaijan”nın təşkilatçılığı ilə reallaşacaq.

“Çəkdiyim rəsmlərin mövzularını tarixdən və dindən götürürəm. Sufizm- İslam sirləri ilə əhatə olunmuş mistik bir prosesdir. Dinə nə qədər çox qarışsam, kətan üzərində işləməyə daha maraqlı mövzular tapıram. Rəsmlərdə ən çox təsvir etdiyim bir neçə mövzu var. Bu köhnə şəhərdir-onsuz mən varlığımı təsəvvür eləmirəm, cinlərdir-bizimlə paralel olaraq yaşayırlar insanlar onları ciddiyə almır hörmətsiz münasibət bəsləyirlər baxmayaraq ki, onlar da bizim kimi eyni hüquqludur və bütün bunları bir yerə qoyan, birləşdirən dərvişlərdir. Onların fəlsəfəsi həyat və sevgidir. Bu sevgi dünyada əsrlər boyu mövcud olmuş, mədəniyyətimizə və dünyagörüşümüzə əhəmiyyətli dərəcədə təsir etmişdir. “Sirlərin ahəngi ”sərgisində mən məhz dərvişlərin bu ahəngə uyğunlaşmasını göstərmək istəyirəm. Sülh və sevgi isə onların təbliğ etdikləri əsas ünsürlərdir”, - deyə rəssam bildirib.

 

M.MÜKƏRRƏMOĞLU,
“Xalq qəzeti”

15 Noyabr 2019 15:25 - XƏBƏRLƏR
XƏBƏRLƏR

Köhnə versiyamızdan xəbərləri izlə