Köhnə versiya

Ən son xəbərlər

Son buraxılış
Arxiv

Turagentliklərin və müştərilərin məmnunluğunu təmin etmək üçün yeni mexanizm hazırlanıb

Azərbaycan Turizm Agentlikləri Assosiasiyasının İdarə  Heyəti  və  Ekspertlər Şurası turizm agentliklərinin göstərdiyi xidmətin keyfiyyətini artırmaq və müştəri məmnunluğunu təmin etmək üçün yeni mexanizm hazırlayıb.

İrəli sürülən təklifə əsasən, bundan sonra Azərbaycan Turizm Agentlikləri Assosiasiyasına üzv olan agentliklərlə onların xidmətlərindən yararlanan müştərilər arasında icbari olaraq müqavilə imzalanacaq.

Nəzərdə tutulan müqavilə turagentlərlə müştərilərin hüquq və vəzifələrini özündə əks etdirəcək. Eyni zamanda, nəzərdə tutulan müqavilə tərəflər arasında yaşana biləcək problemlərin və narazılıqların qarşısını almağa xidmət edəcək.

Assosiasiyanın İdarə Heyətinin toplantısında quruma daha 18 yeni üzv qəbul edilib və onların sayı 50-ə yüksəlib.

Bununla yanaşı, iclasda Böyük Britaniyanın “Travelport” şirkətinin Azərbaycandakı nümayəndəliyi assosiasiyaya assosiativ tərəfdaş kimi qəbul edilib.

 

Əfsanə BAYRAMQIZI,
 “Xalq qəzeti”

14 Noyabr 2019 12:45 - XƏBƏRLƏR
XƏBƏRLƏR
15 İyul 2020 | 06:19
Yeni dünyanın güclü lideri

Köhnə versiyamızdan xəbərləri izlə