• RUB: 0.0260
  • TRY: 0.2990
  • EUR: 1.9649
  • USD: 1.7000
  • Bakı + 15.4 ° C / 96%

Ən son xəbərlər

Son buraxılış
Arxiv

Azərbaycanın son tunc-ilk dəmir dövrü tunc kəmərləri barədə tədqiqat əsəri

Azərbaycanın son tunc-ilk dəmir dövrü tunc kəmərləri barədə tədqiqat əsəri

science.gov.az –dan verilən xəbərə görə , AMEA Arxeologiya və Etnoqrafiya İnstitutunun aparıcı elmi işçisi, Gədəbəy arxeoloji ekspedisiyasının rəhbəri, tarix üzrə fəlsəfə doktoru Tükəzban Göyüşovanın müəllifi olduğu “Azərbaycanın tunc kəmərləri (son tunc — ilk dəmir dövrü)” monoqrafiyası nəşr olunub.

Azərbaycan, ingilis və rus dillərində olan elmi əsər Azərbaycanın son tunc-erkən dəmir dövrü qəbir abidələrindən tapılmış çoxsaylı və üzərində müxtəlif süjetli təsvirlərə malik tunc kəmərlərə həsr olunub.

Monoqrafiyada tunc kəmərləri təhlil edilərək onların təsnifatı verilib, istehsal üsulu, funksiyası və semantikası geniş araşdırılıb. Tunc kəmərlərin üzərindəki təsvirlərin elmi təhlili müqayisəli araşdırmalar əsasında aparılıb, tunc dövrü tayfalarının dini-ideoloji, mifik təsəvvürləri, dünyagörüşü, ətraf aləmə münasibətilə bağlı fikirlər təhlil edilib, yeni mülahizələr irəli sürülüb.

Tunc kəmərlərin kataloqu bu maddi mədəniyyət nümunələri haqqında ətraflı məlumat əldə etməyə imkan verir.

Monoqrafiya arxeoloq, etnoqraf və tarixçilər, eləcə də incəsənətlə məşğul olan tədqiqatçılar üçün nəzərdə tutulub.

Nəşrin elmi redaktorları tarix üzrə elmlər doktoru Hidayət Cəfərov və tarix üzrə fəlsəfə doktoru Qoşqar Qoşqarlıdır.

 

İsaq Əmənullayev,
“Xalq qəzeti”

 

18 2018 13:22 - XƏBƏRLƏR
XƏBƏRLƏR

Ən son xəbərləri səhifəmizdən də izləyin