Köhnə versiya

Ən son xəbərlər

Son buraxılış
Arxiv

Mərkəzi Gömrük Hospitalının həkimi nüfuzlu xarici jurnallara rəyçi ekspert seçilib

Mərkəzi Gömrük Hospitalının həkimi nüfuzlu xarici jurnallara rəyçi ekspert seçilib

Mərkəzi Gömrük Hospitalının ümumi cərrahiyyə şöbəsinin rəisi  Namiq Novruzov ABS-da çap olunan nüfuzlu “Annals of Transplantation” jurnalının və İngiltərədə çap olunan “World Journal of Surgical Oncology”  jurnalının rəsmi rəyçi eksperti seçilib.

Adı çəkilən jurnalların rəsmiləri Dr. Namiq Novruzova məktubla müraciət edərək, həmin jurnallarda dərc olunacaq elmi məqalələri qiymətləndirməyi, rəy verməyi təklif ediblər.Dr.Namiq Novruzov bu təklifi qəbul etmiş və artıq bu elmi jurnallarda çapa təqdim edilən 2 məqaləyə öz rəyini vermişdir.

Qeyd edək ki, Mərkəzi Gömrük Hospitalının təcrübəli həkimi, ümumi cərrah Dr. Namiq Novruzov cərrahiyyənin müxtəlif sahələrini əhatə edən 50-dən artıq elmi  məqalənin və 1 kitabın müəllifidir. O, ümumi cərrahiyyə, laparoskopik cərrahiyyə, transplantasiya və invaziv endoskopiyanı əhatə edən geniş çeşidli diaqnostik və cərrahi əməliyyatlar üzrə ixtisaslaşmışdır.

Azərbaycanlı mütəxəssisin dünyanın nüfuzlu jurnallarına ekspert seçilməsi münasibətlə onu ürəkdən təbrik edirik, elmi fəaliyyətində  uğurlar arzulayırıq.

 

Dilarə Zamanova,
Planlaşdırma və Marketinq şöbəsi,
PR üzrə mütəxəssis

25 Oktyabr 2019 16:54 - SƏHİYYƏ
SƏHİYYƏ
25 Oktyabr 2019 | 16:40
Həkimlərimizi tanıyın

Köhnə versiyamızdan xəbərləri izlə