Köhnə versiya

Ən son xəbərlər

Son buraxılış
Arxiv

Debresen Universitetinin nümayəndəsi ATU-nun qonağı olub

Debresen Universitetinin nümayəndəsi ATU-nun qonağı olub

Azərbaycan Tibb Universiteti növbəti xarici ali məktəbin nümayəndəsini qəbul edib. Macarıstanın Debresen Universitetinin Beynəlxalq əlaqələr şöbəsinin müdiri Dr. Laszlo Erdey Bakıya səfəri zamanı ATU-da olub.

ATU-nun beynəlxalq əlaqələr üzrə prorektoru Orxan İsayevlə görüş zamanı cənab L.Erdey təmsil etdiyi universitet haqqında geniş məlumat verib. Qeyd edib ki, Debresen Universitetinin 27 min tələbəsi var: “Onlardan 5600 nəfəri xarici tələbələrdir. Debresendə 110-dan çox xarici ölkədən tələbə təhsil alır. 4 fakültəsi olan universitetin  7 kampusu fəaliyyət göstərir. 500-dən çox araşdırma laboratoriyalarımız mövcuddur. 80-dən çox ingilis dilli proqramlarla işləyirik”. 2 universitet 2986 çarpayılıq universitet klinikalarımız var”. Laszlo Erdey Debresen Universitetinin nəzdində 2 klinikanın mövcud olduğunu da bildirib.

Orxan İsayev qonağa tibb universitetinin tarixi, fəaliyyəti, təhsil-tədris sistemi haqqında geniş məlumat verib. Qeyd edib ki, gələn il 90 yaşını qeyd edəcək ATU ölkədə xarici tələbələrin sayına görə ön sıralardadır: “Universitetimizdə 30 xarici ölkədən, 2000-ə yaxın tələbə təhsil alır.  Xarici tələbələrin qeydiyyatı artıq elektron şəkildə, 2 pilləli aparılır. Bir çox xarici ölkə universitetləri ilə mübadilə proqramı əsasında əməkdaşlıq edirik. 5 fakültəsi olan ATU-nu tibb şəhərciyi, 1700 yerlik 6 tələbə yataqxanası var”.

Prorektor həmçinin 4 universitet klinikası  - Tədris Stomatoloji Klinikası, Onkoloji klinika, Tədris Terapevtik Klinikası və Tədris Cərrahiyyə Klinikaları haqqında məlumat verib. Klinikaların son texnologiyalara uyğun müasir avadanlıqlarla təchiz olunduğunu, burada həmçinin tədris treyninq mərkəzlərinin fəaliyyət göstərdiyini bildiib. Prorektor ali məktəbdə elektron mikroskop, farmokoloji laboratoriya, araşdırma laboratoriyalarının işi barədə də danışıb.

Görüşdə iki universitet arasında əməkdaşlığın istiqamətləri, gələcəkdə imzalanması planlaşdırılan ikitərəfli memorandumun şərtləri barədə fikir mübadiləsi aparılıb. Sonda qonaq  ATU-nun gələn il keçiriləcək 90 illik yubileyinə dəvət olunub.

Görüşdə ATU-nun beynəlxalq əlaqələr şöbəsinin müdiri Müşfiq Orucov, xarici tələbələrlə iş üzrə dekan Qorxmaz Əhmədov da iştirak ediblər.

 

Z.BƏŞİRQIZI,
“Xal qəzeti” 

22 Oktyabr 2019 11:33 - TƏHSİL
TƏHSİL

Köhnə versiyamızdan xəbərləri izlə