Köhnə versiya

Ən son xəbərlər

Son buraxılış
Arxiv

“Şollerin arxivi” ABŞ-da bir gündə iki mükafat qazanıb

“Şollerin arxivi” ABŞ-da bir gündə iki mükafat qazanıb

Azərbaycan kino tarixində ilk dəfə yerli istehsal olan “Şollerin arxivi” bədii filmi ABŞ-ın “The Green Mountain Christian Film Festival”ında bir gündə iki mükafata layiq görülüb. Belə ki, film ABŞ-dakı Baptist Fellovship kilsəsində keçirilən festivalda “Ən yaxşı xarici film” və “Ən yaxşı xarici direktor”  kateqoriyaları üzrə qalib olub.

Bu barədə “Şollerin arxivi” filminin ssenari müəllifi, quruluşçu rejissoru və baş prodüseri Cəlaləddin Qasımov məlumat verib.
Ekran əsəri almanların Azərbaycana gəlişinin 200 illiyi münasibətilə və Prezident İlham Əliyevin imzaladığı müvafiq sərəncama əsasən  çəkilib. Film azərbaycanlıların  Avropa mədəniyyətinə  sədaqətindən, Azərbaycan–Almaniya dostluğundan, ölkəmizin multikultural dəyərlərindən bəhs edir.
Triller janrında çəkilmiş ekran əsərində Xalq artisti Sabir Məmmədov, Əməkdar artistlər Əjdər Zeynalov, Rövşən Kərimduxt, Ramiz Vəliyev, Sevda Ələkbərova, aktyor Mətləb Ərdəbilli və başqaları rol alıblar.
Ekran əsərinin süjet xətti ötən əsrin 40-cı illərində Azərbaycanda yaşamış alman mənşəli Şollerlər ailəsinin həyatı üzərində qurulub. Filmin çəkilişləri Gəncə, Göygöl, Tovuz və Bakıda aparılıb. Ekran əsərində bir  alman ailəsinin timsalında insan dramı göstərilib. Eyni zamanda, xalqımızın multikultural dəyərlərə sadiq qalması nəzərdən qaçmayıb. Filmdə baş verən hadisələr real həyatdan götürülüb.
Qeyd edək ki, dünyada böyük marağa səbəb olan “Şollerin arxivi” bədii filmi Azərbaycan kino tarixində beynəlxalq festivallarda ən çox uğur qazanmış ekran əsərlərindəndir.

 

M.MÜKƏRRƏMOĞLU, “Xalq qəzeti”

 

 

21 Oktyabr 2019 23:58 - XƏBƏRLƏR
XƏBƏRLƏR

Köhnə versiyamızdan xəbərləri izlə