Köhnə versiya

Ən son xəbərlər

Son buraxılış
Arxiv

Son 25 ilin ən böyük qoşun dislokasiyası

“Reuters” agentliyinin məlumatına görə, Pentaqon son 25 ildə Avropada ABŞ-ın ən böyük qoşun kontingentinin dislokasiyasını elan edib. Bildirilir ki, Amerika hərbçiləri “Avropanın müdafiəçisi – 2020” adlı çoxmillətli qoşun kontingentinin təlimlərində iştirak edəcəklər.

Məlumata görə, hərbi təlimlər 2020-ci ilin aprel–may aylarında keçiriləcək, hərbi ­personalın bu əraziyə hərəkəti isə fevral–iyul ayları üçün nəzərdə tutulub. Təlimlərə ­ABŞ-dan Avropaya 20 minlik hərbi personalın və texnikanın göndərilməsi daxildir.
Təlimlərdə daha 17 min hərbi qulluqçu, o cümlədən Pentaqonun bölgədəki hərbi hissələri, NATO-ya üzv ölkələrin və ABŞ-ın Avropadakı digər tərəfdaşlarının ­qoşunları iştirak edəcəklər. Belə ki, 18 ölkənin hərbçilərindən təşkil olunacaq kontingent Avropanın əvvəlcədən planlaşdırılmış 10 ölkəsində keçiriləcək təlimlərə qatılacaqlar.

Rövşən ATAKİŞİYEV, “Xalq qəzeti”

12 Oktyabr 2019 11:54 - XƏBƏRLƏR
XƏBƏRLƏR

Köhnə versiyamızdan xəbərləri izlə