• RUB: 0.0256
  • TRY: 0.2727
  • EUR: 2.0024
  • USD: 1.7000
  • Bakı + 24.6 ° C / 70%

Ən son xəbərlər

Son buraxılış
Arxiv

Şoranlaşmış torpaqların bərpası üçün yeni elmi üsul kəşf edilib

Şoranlaşmış torpaqların bərpası üçün yeni elmi üsul kəşf edilib

AMEA-nın Geologiya və Geofizika İnstitutunun (GGİ) alimləri respublikada yararsız torpaqların bərpası və inkişafı üçün yeni elmi üsul təklif ediblər. Belə ki, onlar dağ-mədən və neft sənayesi tullantılarının yenidən istifadə üsulunu kəşf ediblər. Alimlərin  sözügedən elmi nəticəsi artıq patentləşdirilib.

www.science.gov.az saytı yazır ki, sözügedən ixtira üzərində institutun Geoekologiya şöbəsinin baş elmi işçisi, texnika elmləri doktoru, professor Mirəli Alosmanovun rəhbərlik etdiyi 11 alimdən ibarət qrup işləyib. Nəticədə şoranlaşmış torpaqların istifadə ediləcək vəziyyətə gətirilməsi üçün əlavə edilən çoxkomponentli materiallar neft quyularının qazılmasından alınan tükənməz ehtiyatı olan şlam və yerli Xızı gili əsasında alınıb. Həmçinin Gədəbəyin mədən suyu və azotla modifikasiya olunmuş turş məhlul əsasında çoxkomponenli qidaverici elementlərlə zəngin olan kompleks birləşməsinin alınması nəzərdə tutulub.

Yeni ixtira ilə bağlı GGİ-nin elmi işlər üzrə direktor müavini, AMEA-nın müxbir üzvü Dadaş Hüseynov bildirib ki, ölkəmizin kənd təsərrüfatında istifadə üçün nəzərdə tutulmuş 1.450.000 hektar torpaq sahəsinin təxminən 450 min hektarı  şoranlaşmış və münbitliyini itirmiş torpaqlardır: "İxtiranın reallaşmasında həm yerli, həm də xarici investorların iştirakı qaçılmazdır. Çünki belə bir üsul ölkəmizdə ilk dəfədir tətbiq olunur. Bununla belə ondan ekoloji və iqtisadi baxımdan çox faydalı gözləntilərimiz var".

 

Əlipənah BAYRAMOV,
“Xalq qəzeti”

14 2018 11:41 - XƏBƏRLƏR
XƏBƏRLƏR
22 Sentyabr 2018 | 12:51
Reyd keçirilib

Ən son xəbərləri səhifəmizdən də izləyin