Köhnə versiya

Ən son xəbərlər

Son buraxılış
Arxiv

Səfir: Çinlə Azərbaycan arasında ticarət dövriyyəsi iki dəfədən çox artıb

Səfir: Çinlə Azərbaycan arasında ticarət dövriyyəsi iki dəfədən çox artıb

Çinin Azərbaycandakı səfiri Qo Min bildirib ki, 2019-cu ilin yanvar-avqust aylarında Çinlə Azərbaycan arasında ticarət dövriyyəsinin həcmi 1,5 milyard dollara çatıb. Bu, ötən ilin eyni dövrü ilə müqayisədə 104 faiz çoxdur.

İkitərəfli əməkdaşlıq barədə danışan səfir qeyd edib ki, ölkələr “Bir kəmər, bir yol” təşəbbüsünün birgə reallaşdırılmasımda böyük perspektivlərə malikdir. Qo Min xatırladıb ki, bu ilin aprel ayında Azərbaycan Prezidenti İlham Əliyev "Bir kəmər, bir yol" təşəbbüsü çərçivəsində beynəlxalq əməkdaşlıq üzrə ikinci Yüksək Səviyyəli Forumda iştirak etmək üçün Çinə səfər edib və dövlət başçıları ikitərəfli münasibətlərin, müxtəlif sahələrdə işgüzar əməkdaşlığın daha da inkişafı ilə bağlı vacib razılıq əldə ediblər.

Səfir əlavə edib ki, Azərbaycan Çinlə münasibətləri diplomatik prioritet olaraq nəzərdən keçirir: “Bu ilin əvvəlindən iki ölkə arasında yüksək səviyyəli səfərlər baş tutub və qarşılıqlı siyasi etimad daha da yüksəlib”.

 

“Xalq qəzeti”

23 2019 17:33 - XƏBƏRLƏR
XƏBƏRLƏR
23 Oktyabr 2019 | 16:55
Kiyevdə güclü partlayış

Köhnə versiyamızdan xəbərləri izlə