Köhnə versiya

Ən son xəbərlər

Son buraxılış
Arxiv

Azərbaycanın bugünkü uğurlarında “Əsrin müqaviləsi”nin böyük əhəmiyyəti oldu

Azərbaycanın bugünkü uğurlarında “Əsrin müqaviləsi”nin böyük əhəmiyyəti oldu

Milli Məclisin deputatı Aydın Hüseynov bildirib ki, 25 il əvvəl  sentyabrın 20-də “Əsrin müqaviləsi” ilə Azərbaycan uğurlu və olduqca mühüm bir tarixi başlanğıca imza atdı.

Deputat qeyd edib ki, “Əsrin müqaviləsi” ulu öndər Heydər Əliyevin qətiyyətli addımları, uzaqgörən siyasəti nəticəsində mümkün oldu: “O zaman Azərbaycan müstəqilliyini yeni qazanmışdı, ölkədə xeyli çətinliklər var idi, beynəlxalq şirkətlər Azərbaycana investisiya qoymağa maraqlı deyildilər. Lakin ulu öndər Heydər Əliyev dünyanın iri şirkətlərini Azərbaycana gətirməyi bacardı və tarixi müqavilə imzalandı”.

Deputat vurğulayıb ki, "Əsrin müqaviləsi" bağlandıqdan sonra ölkə iqtisadiyyatında çox mühüm dəyişikliklər oldu: “Azərbaycana investisiya axını oldu və ölkə iqtisadiyyatında artım müşahidə edilməyə başlandı. Elə ilkin mərhələdə ölkənin iqtisadi tənəzzül dövrü bitdi və 1995-ci ildə ilk dəfə olaraq ölkə iqtisadiyyatında ümumi daxili məhsulda 0,1 faiz artım əldə olundu”.

A.Hüseynov əlavə edib ki, sonrakı dövrdə neftdən əldə edilmiş gəlirlər ölkəmizin sürətli inkişafına şərait yaratdı: “Neftdən gələn gəlirlər ümumi inkişafımıza sərmayə kimi qoyuldu, sosial məsələlərin həlli üçün şərait yaratdı, ölkəmizin beynəlxalq mövqelərinin möhkəmlənməsinə təkan verdi”.

Deputat bildirib ki, Azərbaycanın bugünkü siyasi və iqtisadi uğurlarının əsasında məhz “Əsrin müqaviləsi”nin böyük əhəmiyyəti oldu: “Sonrakı illərdə Bakı-Tbilisi-Ceyhan boru kəmərinin işə düşməsi “Əsrin müqaviləsi”nin mahiyyətini daha da artırdı. Bu sənəd təkcə iqtisadi baxımdan deyil, siyasi baxımdan da Azərbaycana böyük faydalar gətirdi, ölkəmizin beynəlxalq aləmdə nüfuzu artı, Azərbaycan dünyada etibarlı bir tərəfdaş kimi qəbul olundu”.

23 2019 11:51 - XƏBƏRLƏR
XƏBƏRLƏR
23 Oktyabr 2019 | 16:55
Kiyevdə güclü partlayış

Köhnə versiyamızdan xəbərləri izlə