Köhnə versiya

Ən son xəbərlər

Son buraxılış
Arxiv

ABŞ Kubaya qarşı sanksiyaların müddətini uzadıb

ABŞ Kubaya qarşı sanksiyaların müddətini uzadıb

Birləşmiş Ştatlar Prezidenti Donald Tramp Kubaya qarşı tətbiq edilən iqtisadi sanksiyaların müddətini 2020-ci il sentyabrın 14-dək uzadıb. Bu barədə “Bloomberg” agentliyi məlumat yayıb.
Mənbə yazır ki, bu barədə ABŞ liderinin müvafiq bəyanatı Ağ evin mətbuat xidməti tərəfindən dərc olunub. Bəyanatda qeyd edilir: “Hesab edirəm ki, Kubaya qarşı embarqonun müddətinin bir il də uzadılması milli maraqlara uyğundur”.
Qeyd edək ki, ABŞ 1961-ci ildə Kubada ABŞ mülkiyyətinin milliləşdirilməsi prosesinə cavab olaraq bu ölkə ilə diplomatik əlaqələri dayandırıb. Rəsmi Vaşinqton isə Kubaya qarşı iqtisadi embarqo tətbiq edib.
2014-cü ilin dekabrında ABŞ-ın sabiq prezidenti Barak Obama Vaşinqtonun Havanaya qarşı əvvəlki siyasətinin effektiv olmadığını etiraf edib və ikitərəfli münasibətlərin normallaşdırılması və sanksiyaların yumşaldılması prosesinin başladığını bildirib. Lakin 2016-cı ildə Donald Tramp hakimiyyətə gəldikdən sonra iki ölkə arasında münasibətlərin nizamlanması prosesi dayanıb.

Mahmud QƏRİBOV, “Xalq qəzeti”

16 2019 23:08 - XƏBƏRLƏR
XƏBƏRLƏR
23 Oktyabr 2019 | 16:55
Kiyevdə güclü partlayış

Köhnə versiyamızdan xəbərləri izlə