Köhnə versiya

Ən son xəbərlər

Son buraxılış
Arxiv

Bütün əməkçi miqrantların hüquqları müdafiə olunur

Bütün əməkçi miqrantların hüquqları müdafiə olunur

“Dəyişən dünyada qlobal böhranlar fonunda əməkçi miqrantların əsas problemlərinin həlli yolları” mövzusunda BMT-nin Bütün əməkçi miqrantlar və onların ailə üzvlərinin hüquqlarının müdafiəsi üzrə Komitəsinin iclasında iştirak edən xarici qonaqlar Fəxri Xiyabanda ümummilli lider  Heydər Əliyevin məzarını ziyarət ediblər. Görkəmli oftalmoloq Zərifə xanım Əliyevanın xatirəsi yad edilib. Sonra Şəhidlər Xiyabanında ölkəmizin müstəqilliyi yolunda canından keçmiş şəhidlərimizin məzarı ziyarət olunub.

İclasda çıxış edən nazir Sahil Babayev  BMT-nin “Bütün əməkçi miqrantların və onların ailə üzvlərinin hüquqlarının müdafiəsi haqqında beynəlxalq Konvensiya”sına region ölkələri arasında ilk qoşulmuş ölkələrdən birinin məhz Azərbaycan olduğunu qeyd edib. O, bildirib ki, miqrasiya proseslərinin genişləndiyi bir şəraitdə bu proseslərin dövlət tərəfindən tənzimlənməsinə xüsusi diqqət yetirilməklə qanunvericilik bazası yaradılıb, istər əcnəbilərin ölkəmizə, istərsə də vətəndaşlarımızın xarici ölkələrə miqrasiyasını tənzimləyən zəruri normativ-hüquqi aktlar qəbul edilib.

Nazir ölkəmizin miqrasiya sahəsindəki siyasətinin sosial-iqtisadi maraqlarının qorunması ilə yanaşı miqrantların, o cümlədən də əməkçi miqrantların həyatı və fəaliyyəti üçün əlverişli şəraitin yaradılmasına, onların hüquqlarının müdafiəsinə yönəldiyini tədbir iştirakçılarının diqqətinə çatdırıb. Vurğulayıb ki, 2018-ci ildə iş icazəsi əsasında ölkəmizdə işləyən əcnəbilərin sayı 7000 nəfərə yaxın olub ki, bu da 2003-cü illə müqayisədə 4 dəfə çoxdur. Hazırda Nazirliyin Əmək Müqaviləsi Bildiriş Sistemində əcnəbilərlə bağlanmış 9962 əmək müqaviləsi qeydiyyatdadır.

Tədbirdə İnsan Hüquları üzrə Müvəkkil (Ombudsman) Elmira Süleymanova, Dövlət Miqrasiya Xidmətinin rəisi Vüsal Hüseynov, Beynəlxalq Miqrasiya Təşkilatının Azərbaycandakı Nümayəndəliyinin Proqram Koordinatoru Mariya Nikolovska, BMT-nin Komitə sədri vəzifəsini icra edən Can Unver çıxış ediblər.

İclas Miqrasiya üzrə Qlobal Razılaşmanın tətbiqi, icrasına nəzarət və yenidən baxılması, miqrantların, o cümlədən əməkçi miqrantların və onların ailə üzvlərinin, hüquqlarının səmərəli müdafiəsi ilə bağlı problemlərin müzakirəsi ərtafında davam edib.

 

Z.BƏŞİRQIZI,
“Xalq qəzeti”

14 2019 12:22 - XƏBƏRLƏR
XƏBƏRLƏR
23 Oktyabr 2019 | 16:55
Kiyevdə güclü partlayış

Köhnə versiyamızdan xəbərləri izlə