Köhnə versiya

Ən son xəbərlər

Son buraxılış
Arxiv

Gəncədə yaradılacaq arxeoloji muzeyə şüşə arxasından baxılacaq...

Gəncədə  yaradılacaq arxeoloji muzeyə şüşə arxasından baxılacaq...

Gəncə Şəhər İcra Hakimiyyətinin başçısı Niyazi Bayramov CAMNES –elmi tədqiqat mərkəzi və İtaliyanın Kataniya Universitetinin professoru  Nikola Laneri qəbul edib. Görüşdə AMEA Arxeologiya və Etnoqrafiya İnstitutunun şöbə müdiri, Gəncə arxeoloji ekspedisiyanın rəhbəri Bəxtiyar Cəlilovun başçılıq etdiyi nümayəndə heyəti, həmçinin AMEA-nın Gəncə bölməsinin sədri, professor Fuad Əliyev və ADAU-nun rektoru, AMEA-nın müxbir üzvü, professor İbrahim Cəfərov iştirak edib.

Görüşdə Nikola Laner Gəncə şəhəri ətrafında aparılan tədqiqatlar zamanı burada açıq havada kurqanlardan ibarət arxeoparkın yaradılması üçün əlverişli şərait olduğunu bildirib. O, unikal arxeoparkın yaradılması  yerli əhali ilə bərabər turistlərin də diqqətini çəkə biləcəyini söyləyib.

Niyazi Bayramov  Gəncənin qədim tarixə malik  olduğunu qonaqların nəzərinə çatdırıb.  O, qeyd edib ki, bu cür arxeoparkın yaradılması Azərbaycanın keçmişi barədə daha dolğun məlumat verməyə imkan yaradacaq, həmçinin Gəncə və ətraf bölgələrə turizm axınına da təkan verəcək. Şəhər rəhbəri bu işdə icra hakimiyyətinin dəstəyini əsirgəməyəcəyini bildirib və alimlərə müvəffəqiyyətlər arzu edib. 

Qeyd edək ki, tədbirdə Gəncə şəhərində fəaliyyət göstərən universitetlərlə  “Erasmus” layihəsi çərçivəsində şərabçılığın və turizmin təbliğatı ilə bağlı elmi mübadilə məsələləri də müzakirə edilib.

Sonda açıq səma altında arxeoloji muzeyin şüşə örtüklə sərgisinin yaradılması barədə razılıq əldə olunub.

 

Hamlet Qasımov,
"
Xalq qəzeti"nin bölgə müxbiri

22 2019 18:05 - XƏBƏRLƏR
XƏBƏRLƏR

Köhnə versiyamızdan xəbərləri izlə