Köhnə versiya

Ən son xəbərlər

Son buraxılış
Arxiv

2-ci “Animafilm” festivalına 50 ölkədən 268 müraciət daxil olub

2-ci “Animafilm” festivalına 50 ölkədən 268 müraciət daxil olub

Bakıda oktyabrın 18-dən 21-dək keçiriləcək 2-ci "Animafilm” Beynəlxalq Animasiya Festivalına 50 ölkədən 268 müraciət daxil olub.

Bu barədə məlumat verən festivalın təsisçisi Rəşid Ağamalıyev deyib ki, bu il ən çox müraciət ABŞ və Böyük Britaniyadan daxil olub.

Bildirib ki, festivala maraqlı filmlər və ssenarilərlə müraciət olunub. Azərbaycandan müsabiqəyə yalnız bir film göndərilib.

Festivalın seçim komissiyası bütün müraciətləri nəzərdən keçirdikdən sonra seçilmiş film və ssenarilərin siyahısını avqustun 31-də festivalın rəsmi www.animafilm.az saytında elan edəcək.

Qeyd edək ki, festivalda üç gün ərzində uşaqlar və böyüklər üçün çəkilmiş onlarla yerli və xarici animasiya filmləri təqdim olunacaq, müxtəlif vokşoplar və tədbirlər keçiriləcək, müsabiqə proqramlarına yekun vurularaq qaliblər mükafatlandırılacaq.

Azərbaycanda animasiya sənətinin inkişafını təşviq edəcək builki festivalda uşaqlardan ibarət münsiflər heyəti də böyüklərlə birgə fəaliyyət göstərəcək.

 

M.MÜKƏRRƏMOĞLU,
“Xalq qəzeti”

22 2019 11:30 - XƏBƏRLƏR
XƏBƏRLƏR
21 Sentyabr 2019 | 11:59
“Dağlıq Qarabağ düyünü”

Köhnə versiyamızdan xəbərləri izlə