Köhnə versiya

Ən son xəbərlər

Son buraxılış
Arxiv

“Çahargah” rapsodiyası rumınları valeh edib

“Çahargah” rapsodiyası rumınları valeh edib

Əməkdar artist, tarzən Sahib Paşazadə Qazaxıstanın Karaqanda şəhərinin Tattimbet adına Xalq Çalğı Alətləri Orkestri ilə birlikdə Rumıniyanın Buxarest və Konstantsa şəhərlərində qastrolda olub.
Qazaxıstan mədəniyyətinin xaricdə tanıdılması üzrə “Ruhani Janğıru” milli proqramı çərçivəsində keçirilən qastrollar Türkiyə Mədəniyyət və Turizm Nazirliyi və Qazaxıstanın Rumıniyadakı səfirliyinin dəstəyi, Beynəlxalq Türk Mədəniyyəti Təşkilatı (TÜRKSOY) və Yunus Əmrə Mədəniyyət Mərkəzinin təşkilatçılığı ilə reallaşıb.
Konsertlərdə dirijor Dusen Ukibayın rəhbərlik etdiyi orkestrin ifasında türk dünyasının klassik müəlliflərinin və görkəmli bəstəkarlarının əsərləri səsləndirilib. Müğənnilər Talqat İdrisov, Gülmira Tapay və Daurenbek Arkenov türk mədəniyyəti nümunələrini təqdim ediblər. Qazaxıstan və Türkiyədən olan artistlər orkestrin müşayiəti ilə çıxış ediblər.
İstedadlı tarzən Sahib Paşazadənin ifasında “Çahargah rapsodiyası” rumın musiqisevərlərini valeh edib.

 

M.MÜKƏRRƏMOĞLU, “Xalq qəzeti”

10 2019 19:52 - XƏBƏRLƏR
XƏBƏRLƏR

Köhnə versiyamızdan xəbərləri izlə