Köhnə versiya

Ən son xəbərlər

Son buraxılış
Arxiv

SYSLAB təlimlərindən daha 68 gənc faydalanıb

SYSLAB təlimlərindən daha 68 gənc faydalanıb

Əmək və Əhalinin Sosial Müdafiəsi Nazirliyi, BMT İnkişaf Proqramı və ABŞ Beynəlxalq İnkişaf Agentliyinin (USAID) birgə layihəsinin davamı kimi, Gəncə və Zaqatalada fəaliyyətə başlayan Məşğulluq və Təlim Mərkəzlərinə (SYSLAB) 68 gənc cəlb olunub.  

Hər iki mərkəzdə gənclərə təqdimatlar keçirmək, komanda işi, işəgötürənlərlə əlaqələrin qurulması, telefonla ünsiyyət, CV-lərin tərtibi və müsahibələrə hazırlıq və s. üzrə bacarıqlar formalaşdırılır. Müxtəlif təlim və mentorluq metodikaları vasitəsilə onlarda özünəinam hissi və motivasiya artırılır. Həmçinin təlimlər prosesində müxtəlif özəl və dövlət müəssisələri ilə işgüzar əlaqələr qurulur, ekspertlər, təlimçilər və uğurlu məzunlar gənc iştirakçılarla görüşlərə dəvət olunur.  

Bütün bunlar gənclərin əmək bazarına asan şəkildə inteqrasiyasına kömək edir. Təlimlərə cəlb olunan 68 gəncdən artıq 28 nəfəri burada yiyələndikləri bacarıqlar hesabına münasib işlərlə təmin ediliblər.

 

Zərifə BƏŞİRQIZI,
“Xalq qəzeti”

23 2019 15:21 - XƏBƏRLƏR
XƏBƏRLƏR

Köhnə versiyamızdan xəbərləri izlə