Köhnə versiya

Ən son xəbərlər

Son buraxılış
Arxiv

Torpaqlardan istifadəyə nəzarətlə bağlı treninqlərə başlanılıb

Torpaqlardan istifadəyə nəzarətlə bağlı treninqlərə başlanılıb

Əmlak Məsələləri Dövlət Komitəsi (ƏMDK) torpaqlardan istifadə və onların mühafizəsinə dövlət nəzarətinin daha da səmərəli təşkili üçün yerlərdə torpaq müfəttişlərinə treninqlərin keçirilməsinə başlanılıb.

Komitədən bildirilib ki, bunun üçün torpaq müfəttişlərindən ibarət işçi qrupu yaradılıb. İlk treninqlər Bakı, Sumqayıt şəhərlərində, Şamaxı və Xaçmaz rayonlarında keçirilib.

Təlimlər zamanı torpaqlardan istifadənin qanunvericilik tələblərinə uyğun həyata keçirilməsi ilə bağlı məlumat verilib, inzibati xətalara dair protokolların tərtib edilməsi və qərarların qəbul edilməsi zamanı həmin tələblərə riayət olunması məsələlərindən bəhs edilib.

Bildirilib ki, torpaq müfəttişləri ərazilərin özbaşına tutulması (zəbt edilməsi) hallarının qarşısının alınması ilə bağlı genişmiqyaslı işlər aparmalı, baş verən neqativ hallar barədə dövlət qurumlarını məlumatlandırmalıdır. Bundan başqa, bələdiyyə mülkiyyətində olan torpaq sahələrinin xüsusiyyətinə və torpağın ayrılma məqsədinə, mövcud texniki normalara, o cümlədən yerquruluşu və şəhərsalma sənədlərinə uyğun olaraq mülkiyyətə, istifadəyə, icarəyə dair rəy verilməsində qanunvericiliyin tələblərinin gözlənilməsini təmin etməlidirlər.

Müfəttişlərin əldə etdiyi informasiyalar torpaqlarla bağlı məlumat bazasının yaradılmasında mühüm əhəmiyyətə malikdir. Belə ki, torpaqlarda baş vermiş dəyişikliklər barədə məlumatlar mütəmadi olaraq yenilənməklə bazaya ötürüləcək.

Aparılan monitorinq və reydlər nəticəsində torpaqların təyinatdan kənar və əsassız istifadə edilməsi, kateqoriyasının özbaşına dəyişdirilməsi faktları üzə çıxarılır. Müvafiq qurumlar tərəfindən mühafizə zonasına düşən torpaqların qanunsuz olaraq fiziki və ya hüquqi şəxslərə ayrılması, bələdiyyələr və vəzifəli şəxslər tərəfindən təyinatına zidd olaraq torpaqla bağlı qərarların verilməsi halları müəyyənləşdirilir. Məlum olur ki, bəzi hallarda kənd təsərrüfatı təyinatlı torpaqlar icarəyə götürülüb, lakin istifadə edilmir və boş saxlanılır. Bir sıra hallarda torpaqlar birbaşa məqsədləri ilə deyil, yaşayış, istehsalat, sənaye məqsədləri üçün istismar olunur. Kənd təsərrüfatına yararlı torpaq sahəsinin münbit qatı korlanaraq orada tikinti işləri aparılır.

Bölgələrdə torpaq müfəttişlərinə keçirilən təlimlər gələcəkdə də davam edəcək.

 

V.BAYRAMOV,
“Xalq qəzeti”

11 2019 15:09 - XƏBƏRLƏR
XƏBƏRLƏR
16 Sentyabr 2019 | 23:32
Şəhidlərin xatirəsinə ehtiram

Köhnə versiyamızdan xəbərləri izlə