Köhnə versiya

Ən son xəbərlər

Son buraxılış
Arxiv

Deputat Rauf Əliyev: Leyla Əliyevanın yorulmaz ictimai-siyasi fəaliyyəti Azərbaycan gəncliyinə örnəkdir

Deputat Rauf Əliyev: Leyla Əliyevanın yorulmaz ictimai-siyasi fəaliyyəti Azərbaycan gəncliyinə örnəkdir

Milli Məclisin deputatı Rauf Əliyev bildirib ki, Heydər Əliyev Fondunun vitse-prezidenti Leyla Əliyevanın çoxsahəli, yorulmaz fəaliyyəti artıq Azərbaycanın ictimai-siyasi həyatında öz yerini tutmuşdur. Xeyirxahlıq, qayğıkeşlik, məqsədyönlülük Leyla Əliyevanın ictimai-siyasi fəaliyyətini xarakterizə edən əsas amillərdəndir. O, özündə Azərbaycan gəncliyinin ən yaxşı keyfiyyətlərini birləşdirir, ölkəmizin gələcəyi üçün yorulmadan çalışır və qarşıya qoyduğu hədəflərə çatır.

Deputat qeyd edib ki, Leyla Əliyevanın fəaliyyəti müxtəlif sahələri əhatə edir: "Leyla xanım Heydər Əliyev Fondunun vitse-prezidenti, 2007-ci ildən Heydər Əliyev Fondunun Rusiya nümayəndəliyinin rəhbəri, “Xocalıya ədalət” kampaniyasının təşəbbüskarı və lideri, İDEA İctimai Birliyinin təsisçisi və rəhbəri, Rusiyanın Azərbaycan Gənclər Birliyinin (AMOR) sədri, "Bakı" jurnalının təsisçisi və baş redaktoru, İslam Əməkdaşlıq Təşkilatı Gənclər Forumunun mədəniyyətlərarası dialoqunun baş koordinatoru, Bakı Beynəlxalq Multikulturalizm Mərkəzinin Himayəçilik Şurasının üzvüdür. Eyni zamanda, Leyla Əliyeva ona həvalə edilmiş digər vəzifələri uğurla həyata keçirir. Leyla xanımın geniş fəaliyyəti Azərbaycan cəmiyyətinin müxtəlif sahələrində müsbət dəyişikliklərin əldə olunmasına, insanların mövcud problemlərinin həllinə köməklik göstərir. Onun fəaliyyətinin əsas istiqamətlərindən biri ölkəmizdə valideyn himayəsindən məhrum, sağlamlıq imkanı məhdud, əlil uşaqlara daim diqqət və qayğının göstərilməsi ilə bağlıdır. Leyla xanımın gördüyü hər bir iş, onun rəhbərliyi ilə həyata keçirilən hər bir layihə Azərbaycanın inkişafı naminə yerinə yetirilir. Onun beynəlxalq miqyasda həyata keçirdiyi layihələr Azərbaycanın dünyada daha yaxından tanıdılmasında, o cümlədən Ermənistan-Azərbaycan, Dağlıq Qarabağ münaqişəsi barədə əsl həqiqətlərin dünya ictimayyətinə çatdırılmasında mühüm rol oynayır. Leyla Əliyeva Azərbaycan Respublikasının Prezidenti cənab İlham Əliyevin rəhbərliyi ilə son illərdə ölkəmizdə əldə olunan uğurlara öz töhfəsini verir".

Deputat vurğulayıb ki, Heydər Əliyev Fondunun vitse-prezidenti Leyla Əliyevanın enerjisi, yüksək bacarığı tam əminliklə deməyə əsas verir ki, bundan sonra da onun rəhbərliyi ilə yeni-yeni layihələr, təşəbbüslər və tədbirlər uğurla həyata keçiriləcək.

9 2019 14:34 - XƏBƏRLƏR
XƏBƏRLƏR

Köhnə versiyamızdan xəbərləri izlə