Köhnə versiya

Ən son xəbərlər

Son buraxılış
Arxiv

Təqaüdlər toplam halda pensiyaçıya ödəniləcək

Təqaüdlər toplam halda pensiyaçıya ödəniləcək

Sosial şəbəkə səhifəsində və saytlarda Lənkəran şəhərində qeydiyatda olan, 1935-ci il təvəllüdlü, I qrup gözdən əlil Fayaz Baxış oğlu Məhərrəmovun yaşayış yeri olmadan Bakı şəhərində çətin həyat şəraiti keçirdiyi barədə yayılan məlumatla əlaqədar Əmək və Əhalinin Sosial Müdafiəsi Nazirliyi tərəfindən müvafiq tədbirlər görülüb. Bu barədə nazirliyin ictimaiyyətlə əlaqələr və kommunikasiya şöbəsinin müdirı Fazil Talıbov məlumat verib.

F.Talıbovun verdiyi məlumatda deyilir ki, həmin ahıl şəxsin bildirdiyinə görə, uzun illər əvvəl övladı ona məxsus evi sataraq, onu biryolluq tərk etdikdən sonra belə çətin duruma düşüb. Bir müddət həbs həyatı yaşayıb, sonralar isə müxtəlif məkanlarda qalıb.

Bu gün F.Məhərrəmov əməkdaşlarımız tərəfindən nazirliyin Sosial Sığınacağına gətirilib. Burada tibbi müayinədən keçib, stasionar şəraitdə zəruri sosial-məişət xidmətləri ilə təmin edilir.

Onu da bildirək ki, F.Məhərrəmov hazırda yaşa görə əmək pensiyası ilə təmin olunur.

Eyni zamanda, əmək pensiyası alan I dərəcə əlilliyi olan şəxslərə də cari il aprelin 1-dən Prezidentin aylıq təqaüdünün təyin olunmasına başlanıb.

I qrup gözdən əlil olan F.Məhərrəmovun da həmin aylıq təqaüdlə təmin olunması üçün artıq sənədləşmə işlərinə başlanıb. Həmçinin ötən üç ayın (aprel, may, iyun) ödənilməmiş təqaüdləri də toplam halda ona ödəniləcək.

 

Z.BƏŞİRQIZI,
“Xalq qəzeti”

8 2019 12:30 - SOSİAL HƏYAT
SOSİAL HƏYAT

Köhnə versiyamızdan xəbərləri izlə