Köhnə versiya

Ən son xəbərlər

Son buraxılış
Arxiv

İrəvan Teatrı Gəncə, Sabirabad və Şəkidə qastrol səfərinə hazırlaşır

İrəvan Teatrı Gəncə, Sabirabad və Şəkidə qastrol səfərinə hazırlaşır

İrəvan Dövlət Azərbaycan Dram Teatrı yazıçı Sevinc Elsevərin Xocalı soyqırımı faciəsinə həsr olunmuş "Ürəyində arzu tut” pyesi əsasında hazırladığı yeni tamaşanı 3 iyulda Gəncə şəhərində tamaşaçılara təqdim edəcək. Bu barədə teatrın mətbuat katibi Teymur Bayramov məlumat verib.

O bildirib ki, tamaşanın quruluşcu rejissoru Əməkdar artist Sərvər Əliyev, rejissor köməkçisi Bəhruz Hikmətoğlu, quruluşçu rəssamı Vahid Mürsəliyev, musiqi tərtibatçısı Çingiz Xəlilovdur. Rollarda Əməkdar artist Xatirə Süleymanova, aktyorlar Şəbnəm Cabrayılova, Bəhruz Hikmətoğlu, Məhərrəm Musayev, Ruhiyyə Eyvazova, Niyaməddin Səfərəliyev, Sevinc Hüseynova və Arzuman Tanrıverdi çıxış edəcəklər. Xatırladaq ki, Mədəniyyət Nazirliyinin təşəbbüsü, regional mədəniyyət idarələrinin təşkilatçılığı ilə Cəfər Cabbarlı adına İrəvan Dövlət Azərbaycan Dram Teatrının kollektivi 3-11-12 iyul 2019-cu il tarixlərində şair, yazıçı Sevinc Elsevərin "Ürəyində arzu tut” tamaşası ilə Gəncə, Sabirabad və Şəkidə qastrol səfərində olacaq.

 

M.MÜKƏRRƏMOĞLU,
“Xalq qəzeti”

27 2019 12:33 - MƏDƏNİYYƏT
MƏDƏNİYYƏT
20 Sentyabr 2019 | 11:27
Azərbaycan kinosu günləri
19 Sentyabr 2019 | 15:36
Muzeyin 25 illiyi qeyd olunub

Köhnə versiyamızdan xəbərləri izlə