Köhnə versiya

Ən son xəbərlər

Son buraxılış
Arxiv

Minskdə II Avropa Oyunlarının məşəlinin alovlandırılması mərasimi keçirilib

Minskdə II Avropa Oyunlarının məşəlinin alovlandırılması mərasimi keçirilib

İkinci Avropa Oyunları ilə əlaqədar Minskdə Olimpiya məşəlinin alovlandırılması mərasimi keçirilib. 
Paytaxtın mərkəzi parkında təşkil olunan mərasimdə Belarus Milli Olimpiya Komitəsinin sədri Georgi Katulin, fiqurlu konkisürmə üzrə rusiyalı Olimpiya çempionu, II Avropa Oyunlarının səfiri Aleksey Yaqudin, idman ictimaiyyətinin nümayəndələri və şəhər sakinləri iştirak ediblər. 
G.Katulin və A.Yaqudin çıxışlarında ikinci Avropa Oyunlarının əlamətdar hadisə olduğunu, bu mötəbər idman turnirinin regionda sülhə xidmət etdiyini vurğulayıblar. 
Belarusun tanınmış idman ustalarının qatıldıqları tədbirdə Olimpiya məşəli alovlandırıldıqdan sonra marafon keçirilib.
Xatırladaq ki, II Avropa Oyunlarında Avropanın 50 ölkəsindən 4 mindən çox idmançı 200 medal dəsti uğrunda mübarizə aparacaq. Azərbaycan “Minsk 2019”da 82 idmançı ilə təmsil olunacaq.

 

Emil Hüseynli,
AZƏRTAC-ın xüsusi müxbiri
Minsk

20 2019 23:41 - XƏBƏRLƏR
XƏBƏRLƏR

Köhnə versiyamızdan xəbərləri izlə