Köhnə versiya

Ən son xəbərlər

Son buraxılış
Arxiv

Deputat: Bu sərəncamlar əhalinin maddi-sosial vəziyyətinin yaxşılaşdırılmasına ciddi təsir göstərəcək

Deputat: Bu sərəncamlar əhalinin maddi-sosial vəziyyətinin yaxşılaşdırılmasına ciddi təsir göstərəcək

Dövlət başçısı İlham Əliyevin iyunun 18-də imzaladığı sərəncamlar bir daha sübut etdi ki, cənab Prezident daim vətəndaşların sosial ehtiyaclarını düşünür və onların maddi rifahının yüksəldilməsi istiqamətində əməli addımlar atır. Bu kimi sosial tədbirlərin həyata keçirilməsi dövlət siyasətinin əsas tərkib hissəsini təşkil edir. Azərbaycan iqtisadi cəhətdən inkişaf etdikcə bu kimi məsələlər prioritet kimi ön planda olacaq.

Bunu deputat Xanlar Fətiyev Azərbaycan Respublikasının Prezidenti İlham Əliyevin “Minimum aylıq əməkhaqqının artırılması haqqında” 18 iyun 2019-cu il tarixli sərəncamını şərh edərkən deyib.

Deputatın sözlərinə görə, bu sərəncam ölkəmizdə vətəndaşların maddi rifah halının yaxşılaşdırılması istiqamətində 2019-cu ilin elə ilk aylarından atılan inqilabi addımların davamıdır: “Bildiyiniz kimi, bu il mart ayının 1-dən minimim aylıq əməkhaqqı 38,4 faiz, yəni 50 manat artırılaraq 130 manatdan 180 manata çatdırıldı. Bununla da Azərbaycanda təxminən 400 mindən çox vətəndaşın əməkhaqqı yüksəldi. Sentyabr ayının 1-dən isə minimum əməkhaqqı nəzərəçarpacaq dərəcədə qaldırılır və 250 manat müəyyənləşdirilib. Bu isə ötən ilə nisbətdə təxminən 100% artım deməkdir. Ona görə də bu sərəncamı əhalinin maddi-sosial vəziyyətinin yaxşılaşdırılması istiqamətində əsl inqilab adlandırmaq olar”.

Deputat qeyd edib ki, minimum aylıq əməkhaqqının artırılması, reallaşdırəlan ikinci sosial paketin müsbət nəticəsi, demək olar ki, bütün ailələrdə hiss olunacaq.

 

“Xalq qəzeti”

19 2019 16:55 - XƏBƏRLƏR
XƏBƏRLƏR

Köhnə versiyamızdan xəbərləri izlə