“AZCONSTRUCTİON” QSC-nin 2018-ci il dekabrın 31-nə Mühasibat Balansı

                                                                                                                                   manatla

 Mənfəət və zərər haqqında hesabat (xərclərin funksiyaları üzrə)

                   Kapitalda dəyişikliklər haqqında hesabat

            Biz, ,,AZCONSTRUCTION “ Qapalı Səhmdar  Cəmiyyətinin  2018-ci il yanvarın 1-dən 2018-ci il dekabrın 31-dək təqdim edilən balans hesabatı və həmin tarixdə tamamlanan il üzrə mənfəət və zərər hesabatı, kapitalda dəyişikliklər hesabatı və pul vəsaitlərinin hərəkəti hesabatından ibarət olan maliyyə hesabatlarının audit yoxlamasını apardıq.

Maliyyə hesabatlarının hazırlanması üzrə rəhbərliyin məsuliyyəti

1.Hazırkı  Maliyyə Hesabatlarının Beynəlxalq Standartlarına uyğun olaraq hazırlanmasına və düzgün təqdim edilməsinə görə rəhbərlik məsuliyyət daşıyır. Bu məsuliyyətə aşağıdakılar daxildir:

-səhvlər nəticəsində əhəmiyyətli təhriflərin olmadığı, maliyyə hesabatlarının hazırlanması və düzgün təqdim edilməsi üçün müvafiq daxili nəzarət sisteminin yaradılması, tətbiq olunması və davam etdirilməsi, müvafiq uçot siyasətinin seçilməsi, tətbiqi və şəraitdən asılı olaraq məqbul uçot təxminlərinin irəli sürülməsi.

Auditorun məsuliyyəti

2.Bizim məsuliyyətimiz apardığımız audit yoxlamasına əsasən maliyyə hesabatlarına dair rəy bildirməkdən ibarətdir.Sənədlərin düzgünlüyünə sifarişçi məsuliyyət daşıyır. Biz audit yoxlamamızı Beynəlxalq Audit Standartları əsasında apardıq. Həmin standartların tələblərinə görə, biz etik normalara əməl etməli və auditi elə şəkildə planlaşdırmalı və aparmalıyıq ki, maliyyə hesabatlarında əhəmiyyətli təhriflərin mövcud olmamasına kifayət qədər  inanaq.

3.Audit yoxlamasına maliyyə hesabatlarındakı məbləğlər və açıqlamalara dair auditor sübutu əldə etmək üçün prosedurların yerinə yetirilməsi daxildir. Seçilmiş prosedurlar auditorun mülahizələrindən, səhvlər nəticəsində maliyyə hesabatlarının əhəmiyyətli dərəcədə təhrif edilməsi risklərinin qiymətləndirilməsindən asılıdır. Həmin riskləri qiymətləndirərkən auditor müəssisənin daxili nəzarət sisteminin səmərəliliyinə dair rəy bildirmək üçün deyil, şəraitə görə müvafiq audit prosedurlarının işlənib hazırlanması məqsədilə müəssisə tərəfindən maliyyə hesabatlarının hazırlanması və düzgün təqdim edilməsi üçün müvafiq daxili nəzarət sistemini nəzərdən keçirir. Bundan əlavə, audit yoxlamasına mövcud uçot siyasətinin uyğunluğunun və rəhbərliyin uçot təxminlərinin əsaslandırılmasının qiymətləndirilməsi, eləcə də maliyyə hesabatlarının ümumi təqdimatının dəyərləndirilməsi daxildir.

4.Bizcə, əldə etdiyimiz audit sübutları rəyimizi bildirmək üçün kifayət qədər əsas verir.

Rəy

5.Bizim fikrimizcə, təqdim edilən maliyyə hesabatları bütün əhəmiyyətli aspektlər baxımından “AZCONSTRUCTION” QSC-in  2018-ci il dekabrın 31-nə  maliyyə vəziyyətini və həmin tarixdə tamamlanan  il üzrə maliyyə       nəticələrini və pul vəsaitlərinin hərəkətini Maliyyə Hesabatlarının Beynəlxalq Standartlarına uyğun olaraq (işlərin görülməsindən,xidmətlərin göstərilməsindən  gəliri 80732414.10 manat, ümumi gəlirdən çıxılan   xərclər 56927633.49 manat, ümumi mənfəət 23804780.61 manat, mənfəət vergisi 4760956.12  manat, elan edilmiş dividendlər 19043824.49 manat. (2019-cu il  yanvarın 1-nə elan edilmiş dividendin qalığı 16043860.18 manat ) balansda düzgün əks etdirlir.

“Zaman-Audit”MMC-nin Auditoru  Hüseyn Cəbiyev

                                                      Bakı şəhəri ,14 fevral  2019- cu il