Köhnə versiya

Ən son xəbərlər

Son buraxılış
Arxiv

ATU rektoru imtahanların gedişini izləyib

ATU rektoru imtahanların gedişini izləyib

Bu gün rektor, professor Gəray Gəraybəyli Azərbaycan Tibb Universitetində (ATU) imtahanların gedişini izləyib. Rektor ATU-da buraxılış kurslarının Obyektiv Strukturlaşdırılmış Klinik İmtahan (OSKİ), eləcə də İmtahan Mərkəzində (İM) test imtahanlarına baxış keçirib.

Qeyd edək ki, tələbələr müvafiq fəndən bacarıq imtahanını verdikdən sonra test üsulu ilə nəzəri imtahanlara keçid alırlar. Universitetin İctimai səhiyyə fakültəsində isə buraxılış imtahanları Obyektiv Strukturlaşmış Praktik İmtahan (OSPİ) üsulu ilə keçirilir.

Rektor G. Gəraybəyli tələbələrlə söhbət edib, imtahanla bağlı onları maraqlandıran məsələləri müzakirə edib. Tələbələrin imtahan sualları ilə bağlı fikirlərini universitet rəsmilərinin diqqətinə çatdırıb.

İmtahandan sonra rektor G. Gəraybəyli ATU-nun 5 saylı korpusunda İnformasiya Sistemlərinin Təşkili və İdarəetmə Mərkəzi üçün yaradılan şəraitlə tanış olub. Burada elektron jurnalın, sistemin gedişatını izləyib.

 

Hazırladı:
Qəzənfər QASIMOV,
”Xalq qəzeti”

13 2019 17:42 - TƏHSİL
TƏHSİL

Köhnə versiyamızdan xəbərləri izlə