Köhnə versiya

Ən son xəbərlər

Son buraxılış
Arxiv

Qeyri-neft sektorunda elektron qaimə-faktura ilə rəsmiləşən dövriyyənin ümumi dövriyyədə çəkisi 65,2 faizə yüksəlib

Qeyri-neft sektorunda elektron qaimə-faktura ilə rəsmiləşən dövriyyənin ümumi dövriyyədə çəkisi 65,2 faizə yüksəlib

Yanvar-aprel aylarında ötən ilin eyni dövrü ilə müqayisədə qeyri-neft sektorunda elektron qaimə-faktura ilə rəsmiləşən dövriyyənin cəmi dövriyyədə xüsusi çəkisi 59,3 faizdən 65,2 faizə yüksəlib.

Bu barədə Vergilər nazirinin müşaviri Xəqani Abdullayev deyib.

X.Abdullayev əlavə edib ki, topdansatış ticarətdə elektron qaimə-faktura ilə rəsmiləşən dövriyyənin ümumi dövriyyədə xüsusi çəkisi 68,9 faizdən 84,2 faizə, istehsalda isə 65,3 faizdən 74,7 faizə qalxıb. Topdansatış ticarətdə elektron qaimə-faktura ilə rəsmiləşən dövriyyə 42,5 faiz, istehsalda isə 29,9 faiz artıb. Elektron qaimə-faktura ilə rəsmiləşən dövriyyənin həcmində ən yüksək artım templəri kənd təsərrüfatında (2 dəfə), ticarətdə (42,1 faiz), bank və sığortada (26,2 faiz) və sənayedə (18,6 faiz) müşahidə olunub.

Vergilər nazirinin müşaviri deyib ki, şəffaflaşma baxımından müsbət proseslərdən biri də pərakəndə ticarətdə və ictimai iaşədə əldə edilən elektron qaimə-faktura dəyərinin, müvafiq olaraq 71,3 və 43,3 faiz artması olub. Bu göstəricilər əqdlərin sənədləşməsi və rəsmiləşməsi səviyyəsinin yüksəldiyini göstərir.

 

V.BAYRAMOV,
“Xalq qəzeti”

13 2019 17:38 - XƏBƏRLƏR
XƏBƏRLƏR
25 Fevral 2020 | 23:23
Səfər başa çatdı

Köhnə versiyamızdan xəbərləri izlə