Köhnə versiya

Ən son xəbərlər

Son buraxılış
Arxiv

ADNSU-da Milli Qurtuluş Gününə həsr olunmuş tədbir keçirilib

ADNSU-da Milli Qurtuluş Gününə həsr olunmuş tədbir keçirilib

İyunun 13-də Azərbaycan Dövlət Neft və Sənaye Universitetində (ADNSU) Milli Qurtuluş Gününə həsr olunmuş tədbir keçirilib. Dövlət himninin səslənməsi ilə başlayan tədbirdə ADNSU-nun rektoru, professor Mustafa Babanlı, millət vəkilləri Hüseynbala Mirələmov, Sahib Alıyev, universitetin professor-müəllim heyəti və tələbələr iştirak ediblər.

Tədbir iştirakçıları öncə ulu öndər Heydər Əliyevin ictimai-siyasi fəaliyyətindən bəhs edən filmi maraqla izlədilər.Sonra çıxış edən ADNSU-nun rektoru, professor M.Babanlı 15 iyun Milli Qurtuluş Gününün Azərbaycan tarixindəki əhəmiyyətindən danışaraq vurğuladı ki, Azərbaycan xalqının qurtuluşu əslində ulu öndər Heydər Əliyevin 1969-cu Azərbaycan SSR-ə rəhbərlik etdiyi vaxtdan başlayıb. Həmin zamandan etibarən Azərbaycan dövləti imperiya tərkibində iqtisadi baxımdan geridə qalmış dövlət səviyyəsindən gücülü aqrar-sənaye ölkəsi pilləsinə qədər yüksəlib. Eyni zamanda, Azərbaycanda elm, mədəniyyət, səhiyyə və bir çox səhələr inkişaf edib. Məhz ulu öndərin qurucusu olduğu müasir Azərbaycan dövlətinin təməl prinsipləri o zaman yaradılıb.

Rektor M.Babanlı əlavə etdi ki, ümummilli lider Heydər Əliyevin ictima-siyasi fəaliyyəti dövründə hər zaman Azərbaycan xalqının maraqlarına, Azərbaycan dövlətinin inkişafına xidmət edib. 1993-cü ildə Azərbaycan rəhbərliyinə qayıdışı ilə isə ölkəni vətəndaş müharibəsi və parçalanma təhlükəsindən xilas etməklə yanaşı, dövlət quruculuğu prosesinin yeni nümunəsini yaratdı, müasir, demokratik və böyük güclərin hesablaşacağı sarsılmaz müasir Azərbayacan dövlətinin əsasını qoydu.

Milli Qurtuluş Günü münasibətilə keçirilən tədbirdə çıxış edən deputatlar Hüseynbala Mirələmov, Sahib Alıyev ümummilli lider Heydər Əliyevin zəngin fəaliyyətindən, Azərbaycanın müstəqillik qazanması və inkişafı naminə apardığı gərgin mücadilədən söz açıblar. Qeyd olunub ki, ulu öndər Heydər Əliyevin zəngin dövlətçilik təcrübəsi, nümunəvi vətəndaşlıq mövqeyi və xalqımız qarşısındakı xidmətləri hər zaman böyük ehtiramla yad ediləcək, onu adı, qurucusu olduğu müasir Azərbaycan dövləti daimi yaşayacaq, inkişaf edəcək.

 

 ADNSU İctimaiyyətlə Əlaqələr və Marketinq Departamenti

13 2019 17:05 - XƏBƏRLƏR
XƏBƏRLƏR
21 Sentyabr 2019 | 11:59
“Dağlıq Qarabağ düyünü”

Köhnə versiyamızdan xəbərləri izlə