Köhnə versiya

Ən son xəbərlər

Son buraxılış
Arxiv

Hedva Ser: Azərbaycan musiqisini çox sevirəm

Hedva Ser: Azərbaycan musiqisini çox sevirəm

Hedva Ser: Azərbaycan musiqisini çox sevirəm. Bu axşam musiqinin sehrli gücünün şahidi olduq. İstedadlı musiqiçini dinlədik. Sənətinə heyran oldum. Fidan Hacıyevanın öz üslubu, ecazkar, soprano səsi var. O, səsindən ustalıqla istifadə etməyi bacarır.

Bu fikirləri Parisdə səfirliyimizin Mədəniyyət Mərkəzində Azərbaycan qadınlarına səsvermə hüququnun verilməsinin 100 illiyinə həsr edilmiş konsertin dinləyicisi, UNESCO-nun "Sülh naminə incəsənət xadimi” Hedva Ser bildirib.

O qeyd edib ki, Azərbaycan musiqisini çox sevir. "Azərbaycan mədəniyyəti ilə bağlı tədbirlərə qatılıram. Artıq mədəniyyətinizi yaxşı tanıyıram. Bir çox azərbaycanlı müğənniləri, müxtəlif musiqi janrlarının sintezini dinləmişəm, xüsusilə də muğam-caz sintezi gözəldir. Bu axşam klassik musiqi konsertindən xüsusi həzz aldım. Fidan Hacıyeva peşəkar müğənnidir. Dinləyicilərin zövqünü oxşadı. Ümumiyyətlə, Azərbaycan Mədəniyyət Mərkəzinə məmnuniyyətlə gəlirəm. Bilirəm ki, burada keçirilən tədbirlər həmişə yüksək səviyyədə təşkil olunur”, - deyə H.Ser vurğulayıb.

 

M.MÜKƏRRƏMOĞLU,
“Xalq qəzeti”

8 2019 12:33 - XƏBƏRLƏR
XƏBƏRLƏR
23 Oktyabr 2019 | 16:55
Kiyevdə güclü partlayış

Köhnə versiyamızdan xəbərləri izlə