Köhnə versiya

Ən son xəbərlər

Son buraxılış
Arxiv

ATU həkimləri dünya səhiyyəsində ilkə imza atıblar

Azərbaycan Tibb Universitetinin (ATU) Tədris Cərrahiyyə Klinikasında (TCK) daha bir unikal əməliyyata imza atılıb. Tibb Universitetinin 1-ci mamalıq-ginekologiya kafedrasının professoru Şahbaz Şahbazov tərəfindən istmikoservikal çatışmazlıq diaqnozu olan hamilə qadın üzərində cərrahi əməliyyat həyata keçirilib.

Professor Ş. Şahbazovun sözlərinə görə, bu cür əməliyyatların uğurlu icrası Azərbaycanın səhiyyə sahəsinin inkişafından xəbər verir. O qeyd edib ki, bu əməliyyat təkcə Azərbaycanın deyil, həm də dünya səhiyyəsində yeni bir addımdır: “Təbii ki, Tədris Cərrahiyyə Klinikasının güclü bazası olmadan biz bu
əməliyyatları icra edə bilmərik. Əməliyyat etdiyimiz qadın 5 ildir ki, ailəlidir. Xəstə bizə müraciət edəndə artıq beş dəfə hamiləliyi yarımçıq başa çatmışdır. Buna səbəb dölün bətndaxili inkişafının sona qədər yerinə yetirilə bilməməsi idi.  İstmikoservikal çatışmazlıq -- uşaqlıq boynu çatışmazlığı dediyimiz xəstəlik nəticəsində döl tələf olurdu”.

Professor Ş. Şahbazovun bildirdiyinə görə, yeganə yol yeni üsul tətbiq etmək olub: “Əlbəttə ki, tibb elminə, təcrübi vərdişərə əsaslanaraq, yeni bir addım atdıq. Xəstə ilə ciddi danışıqlar aparıldı, razılıq əldə olunandan sonra hamiləliyin 14-cü həftəsində hamilə uşaqlıq üzərində cərrahi əməliyyatı icra etdik. Süni şəkildə sfinktor yaratmalı idik ki, döl uşaqlıqdan xaric olmasın, bu dölü hamiləliyin sonuna qədər saxlaya bilsin. Biz dünya səhiyyəsində ilk dəfə olaraq, belə bir əməliyyatı icra etdik. Bu əməliyyatın icrası ondan ibarət oldu ki, süni şəkildə artıq həm autoplastika ilə, həm də sintetik materiallardan istifadə edərək, uşaqlıq və uşaqlıq boynu arasındakı məsafədə sfinktor yaratdıq. Və bu sfinktor qapalı şəkildə oldu”.

Qeyd edək ki, xəstə üzərində əməliyyat çox riskli keçib. Hamiləlik müddətində xəstə həkim nəzarətində olub. Hamiləliyin 35-ci həftəsində 2300 qram çəkidə oğlan uşağı dünyaya gəlib. Hazırda həm qadın, həm də körpə özünü yaxşı hiss edir.


Z. BƏŞİRQIZI,
 “Xalq qəzeti”

31 2018 13:18 - XƏBƏRLƏR
XƏBƏRLƏR
18 Sentyabr 2020 | 11:56
NASA Venerada həyat axtaracaq
18 Sentyabr 2020 | 11:53
Baş Prokurorluqda yeni təyinat
18 Sentyabr 2020 | 11:42
Dünya əhalisinin sayı artır

Köhnə versiyamızdan xəbərləri izlə