Köhnə versiya

Ən son xəbərlər

Son buraxılış
Arxiv

Statistika Komitəsinin nümayəndəsi Cenevrədə keçirilən beynəlxalq tədbirlərə qatılıb

Statistika Komitəsinin nümayəndəsi Cenevrədə keçirilən beynəlxalq tədbirlərə qatılıb

Aprelin 16-18-də İsveçrənin Cenevrə şəhərində Dayanıqlı İnkişaf Məqsədləri (DİM) ilə əlaqədar statistik məsələlərə dair ekspertlərin üçüncü iclası və seminar keçirilir. Tədbirlərdə Dövlət Statistika Komitəsi aparatının dayanıqlı inkişaf statistikası şöbəsinin müdiri, Azərbaycan Respublikasının DİM üzrə Milli Əlaqələndirmə Şurasının monitorinq və qiymətləndirmə üzrə işçi qrupunun rəhbəri Rasim Səfərov iştirak edir.

Komitədən AZƏRTAC-a bildirilib ki, BMT-nin Avropa İqtisadi Komissiyasının təşkilatçılığı ilə baş tutan tədbirlərin məqsədi “Dünyamızın transformasiyası: 2030-cu ilədək dayanıqlı inkişaf sahəsində Gündəlik”də qarşıya qoyulmuş məqsəd və hədəflərə nailolma vəziyyətinin statistik ölçülməsinə aid aktual məsələlərin müzakirəsi, DİM statistikası üzrə hazırlanmış yol xəritəsinin birinci versiyasının yerinə yetirilmə statusu və onun təkmilləşdirilməsi üçün əsas istiqamətlərin müəyyən edilməsindən ibarətdir. Tədbirlər çərçivəsində DİM-in ölçülməsi sahəsində əldə olunan nailiyyətlər, həyata keçirilən layihələr, mövcud təşəbbüslər, nümunəvi təcrübələr və qarşıda duran çətinliklər nəzərdən keçirilir.
BMT-nin ixtisaslaşmış qurumlarının və müvafiq regional təşkilatların, Cənub Şərqi və Şərqi Avropa, Qafqaz və Mərkəzi Asiya ölkələrinin milli statistika təşkilatlarının DİM göstəricilərinin işlənməsinə məsul əməkdaşlarının qatıldığı tədbirlərin gündəliyinə DİM-ə nail olunmasına dair statistik göstəricilər üzrə məlumatların qlobal və milli səviyyədə toplanması, ötürülməsi ilə əlaqədar qarşılıqlı fəaliyyətlərin əlaqələndirilməsi, DİM üzrə statistika sahəsində statistik məlumatların və metaməlumatların mübadiləsində SDMX (Statistical Data and Metadata Exchange) standartının tətbiqi məsələləri, dayanıqlı inkişaf statistikası sahəsində effektiv kommunikasiya mexanizmləri, potensialın artırılması və DİM göstəricilərinin metodoloji baxımdan istehsalı, onların sosial-demoqrafik əlamətlərə görə dezaqreqasiya səviyyəsi, geoməkan məlumatlarından istifadə vəziyyəti, BMT-nin DİM göstəriciləri üzrə Təşkilatlararası və Ekspert Qrupu tərəfindən məlumatların dezaqreqasiyası ilə bağlı hazırladığı sənədin müzakirəsi və bir sıra digər aktual məsələlər daxil edilib.
Dörd gün davam edən tədbirlərin ayrı-ayrı sessiyalarında müxtəlif ölkə və ekspert təqdimatları və məsləhətləşmələri keçirilir, müzakirələr aparılır. 
Dövlət Statistika Komitəsinin nümayəndəsi də iclasda çıxış edərək DİM göstəriciləri üzrə milli məlumat təchizatçıları, aidiyyəti beynəlxalq qurumlarla statistik fəaliyyətin əlaqələndirilməsi və statistika potensialının artırılması sahəsində ölkəmizdə həyata keçirilən təşəbbüslər, DİM-ə milli səviyyədə nail olunmasına dair milli göstəricilərin müəyyən edilməsi, göstəricilər üzrə statistik məlumatların toplanması, işlənməsi və Könüllü Milli Hesabatın hazırlanması prosesinin əlaqələndirilməsinə yüksək siyasi töhfə verən Azərbaycan Respublikasının Dayanıqlı İnkişaf üzrə Milli Əlaqələndirmə Şurasının yaradılması haqqında Azərbaycan Respublikası Prezidentinin müvafiq fərmanı nümunəvi təcrübə kimi ekspertlərin diqqətinə çatdırıb.
O, bununla yanaşı, DİM-ə nailolma vəziyyətinin monitorinq və qiymətləndirilməsini təmin etmək üçün dəqiq və dolğun məlumatların istehsalı sahəsində statistika potensialının artırılması məqsədilə BMT-nin Ərzaq və Kənd Təsərrüfatı Təşkilatının Azərbaycandakı Tərəfdaşlıq və Əlaqələndirmə Ofisi (FAO) ilə komitə arasında əldə olunan texniki əməkdaşlıq çərçivəsində həyata keçirilmiş “Dayanıqlı İnkişaf Məqsədlərinin monitorinqi üçün keyfiyyətli məlumatların hazırlanması istiqamətində hökumətin imkanlarının gücləndirilməsi” layihəsinin DİM üzrə məlumatların istehsalı, onların keyfiyyət baxımından rəsmi statistikaya uyğunluğunun və beynəlxalq müqayisəliliyinin təmin edilməsinə müsbət töhfələri barədə məlumat verib.

 

 

18 2019 00:09 - XƏBƏRLƏR
XƏBƏRLƏR
19 Oktyabr 2019 | 17:17
Honqkonqda Ukrayna elementi
19 Oktyabr 2019 | 12:11
Azərbaycan Bayrağı

Köhnə versiyamızdan xəbərləri izlə