Köhnə versiya

Ən son xəbərlər

Son buraxılış
Arxiv

Son 10 ildə Azərbaycanda 280 milyard kubmetrədək təbii qaz hasil edilib

Son 10 ildə Azərbaycanda 280 milyard kubmetrədək təbii qaz hasil edilib

2009-2018-ci illərdə Azərbaycanda 279 milyard 194 milyon kubmetr təbii qaz hasil olunub.

Bu illərdə ölkə üzrə illik qaz istehsalında maksimum göstərici ötən il - 30 milyard 490 milyon kubmetr, minimum göstərici isə 23 milyard 681 milyon kubmetrlə 2009-cu ildə qeydə alınıb.

Bu ilin yanvar-fevral aylarında Azərbaycanda 5 milyard 952,8 milyon kubmetr təbii qaz hasil olunub. Həmin həcmdən 3 milyard 907 milyon kubmetr əmtəəlik təbii qaz alınıb. Ölkədə qaz istehsalı əvvəlki ilin müvafiq dövrü ilə müqayisədə 34,3 faiz artıb.

İki ayda Azərbaycandakı magistral qaz kəmərləri ilə 5 milyard 270,1 milyon kubmetr təbii qaz nəql edilib və əvvəlki ilin eyni dövrünə nisbətən 16,9 faiz artım müşahidə olunub. Qaz nəqlinin 32,7 faizi Bakı-Tbilisi-Ərzurum (Cənubi Qafqaz Boru Kəməri - CQBK) boru kəməri vasitəsilə həyata keçirilib və bu kəmərlə 1 milyard 720,9 milyon kubmetr təbii qaz göndərilib.

 

V.BAYRAMOV,
“Xalq qəzeti”

12 2019 17:17 - İQTİSADİYYAT
İQTİSADİYYAT

Köhnə versiyamızdan xəbərləri izlə