Köhnə versiya

Ən son xəbərlər

Son buraxılış
Arxiv

Məzahir Pənahov: Ukraynada prezident seçkiləri ölkə qanunvericiliyinin tələblərinə uyğun keçirilir

Məzahir Pənahov: Ukraynada prezident seçkiləri ölkə qanunvericiliyinin tələblərinə uyğun keçirilir

Ukraynada prezident seçkiləri ölkə qanunvericiliyinin tələblərinə uyğun keçirilir. Seçkilər yüksək səviyyədə təşkil olunub, seçki məntəqələrində sakitlik hökm sürür və seçicilər sərbəst şəkildə seçki məntəqələrinə gələrək öz iradələrini ifadə edirlər.

Bu fikri AZƏRTAC-a açıqlamasında Ukraynada seçkiləri müşahidə edən Azərbaycan Mərkəzi Seçki Komissiyasının sədri Məzahir Pənahov söyləyib. “Bütün səviyyələrdə seçkilərin hazırlanması və keçirilməsində seçki komissiyalarının peşəkarlığı hiss olunur”, - deyə MSK sədri əlavə edib.

Ölkədə azad və ədalətli seçkilərin keçirilməsi üçün ən vacib şərtlərdən olan sabitlik mövcuddur.

Qeyd edək ki, Ukraynada 44 nəfərin prezidentliyə namizədliyi qeydə alınsa da, sonradan 5 nəfər namizədliyini geri götürüb. Seçki bülletenində 39 namizədin adı qeyd edilib.

 

Emil Hüseynli,
AZƏRTAC-ın xüsusi müxbiri
Kiyev

1 2019 12:07 - SİYASƏT
SİYASƏT

Köhnə versiyamızdan xəbərləri izlə