Köhnə versiya

Ən son xəbərlər

Son buraxılış
Arxiv

Baş Prokurorluqda könüllülərlə görüş keçirilib

Baş Prokurorluqda könüllülərlə görüş keçirilib

Xalqımızın ümummilli lideri Heydər Əliyev tərəfindən təməli qoyulan və Azərbaycan Respublikasının Prezidenti İlham Əliyev tərəfindən uğurla reallaşdırılan dövlət gənclər siyasətinə uyğun olaraq, prokurorluq orqanlarının fəaliyyətində gənclərin iştirakı müasir dövrün tələbləri səviyyəsində davam etdirilir. 
Ölkədə həyata keçirilən dövlət gənclər siyasəti nəticəsində ali hüquq təhsilli gənc kadrların müsabiqə yolu ilə işə qəbulu prokurorluğun kadr tərkibinin yüksək ixtisaslı mütəxəssislər hesabına yenidən formalaşmasını təmin edərək, bu sahədə görülən tədbirlər nəticəsində mənəvi saflığı, yüksək nəzəri bilikləri və peşə hazırlığı səviyyəsi ilə seçilən, xarici dil biliklərinə mükəmməl yiyələnmiş gənclərin prokurorluqda qulluğa qəbuluna şərait yaradılıb. Ölkəmizdə müasir gənclər hərəkatının inkişafı üçün dövlət səviyyəsində kifayət qədər islahatlar həyata keçirilib, könüllülər hərəkatı geniş vüsət alıb.   
Baş Prokurorluğun mətbuat xidmətindən AZƏRTAC-a bildiriblər ki, Azərbaycan Respublikasının baş prokuroru tərəfindən 2019-cu il fevralın 6-da təsdiq edilmiş “Azərbaycan Respublikasının prokurorluq orqanlarında ictimai köməkçilərin fəaliyyəti haqqında” təlimata uyğun olaraq, prokurorluq orqanlarının fəaliyyətində ictimai köməkçi qismində iştirak etmək arzusunda olan ali təhsil müəssisələrində hüquqşünaslıq ixtisası üzrə təhsil alan tələbələrin prokurorluğun fəaliyyətinə cəlb olunmaları üçün zəruri tədbirlər görülür. 
Prokurorluq orqanlarına ictimai köməkçi qismində fəaliyyət göstərmək məqsədilə 100-dən artıq könüllü gənc müraciət edib. İctimai köməkçi qismində könüllü gənclər prokurorluq orqanlarında fəaliyyət göstərdiyi müddət ərzində prokurorluğun fəaliyyət istiqamətləri ilə yaxından tanış olacaq, yeni bilik və bacarıqlar qazanacaq, təhsil aldıqları müəssisələrdə hüquq sahəsi üzrə öyrəndikləri nəzəri bilikləri praktiki işdə həyata keçirmək şansı əldə edəcəklər. Onlar ayrı-ayrı rayon (şəhər) prokurorluqlarında, o cümlədən prokurorluğun digər qurumlarında təcrübə keçəcək, prokurorluq işçilərinin iş təcrübəsini öyrənəcək, prokurorluqlarda keçirilən tədris məşğələlərində və seminarda iştirak edəcəklər.
Bununla əlaqədar martın 19-da Baş Prokurorluğun rəhbər heyəti ilə ictimai köməkçi qismində fəaliyyətə başlayacaq könüllü gənclərlə görüş keçirilib.
Könüllülərin ictimai köməkçi qismində fəaliyyəti ilə əlaqədar sənədlərinin qəbulu hazırda davam etdirilir.

20 2019 03:07 - XƏBƏRLƏR
XƏBƏRLƏR

Ən son xəbərləri səhifəmizdən də izləyin