Köhnə versiya

Ən son xəbərlər

Son buraxılış
Arxiv

Möhsün Pakayin: İran Qarabağ münaqişəsinin Azərbaycanın ərazi bütövlüyü çərçivəsində həllində maraqlıdır

Möhsün Pakayin: İran Qarabağ münaqişəsinin Azərbaycanın ərazi bütövlüyü çərçivəsində həllində maraqlıdır

İran Dağlıq Qarabağ münaqişəsinin Azərbaycanın ərazi bütövlüyü çərçivəsində həllində maraqlıdır.

Bunu İranın Azərbaycandakı sabiq səfiri Möhsün Pakayin deyib. M.Pakayinin sözlərinə görə, Azərbaycan və Ermənistan razılaşdığı halda İran iki ölkənin mənafeyi çərçivəsində münaqişənin həllinə çalışmağa hazırdır.

Diplomat əlavə edib ki, Azərbaycan İranın mühüm qonşularından biridir.  Tehran və Bakı arasında strateji əlaqələr mövcuddur: “Qarşılıqlı səfərlər, o cümlədən Azərbaycan xarici işlər naziri Elmar Məmmədyarovun Tehrana səfəri iki ölkənin qarşılıqlı yüksək etimadının göstəricisidir”.

İki ölkənin iqtisadiyyat sahəsində əlaqələrə önəm verdiyini deyən sabiq səfir Rəşt-Qəzvin dəmir yolunun istismara verilməsi və Rəşt-Astara dəmir yolunun inşasına başlanıldığını bildirib.

Azərbaycan və İran arasında yükdaşıma tariflərinin azaldılması məsələsinə toxunan M.Pakayin qeyd edib ki, məsələ birgə komissiyanın iclasında növbəti dəfə müzakirə ediləcək və yekun qərar veriləcək.

 

“Xalq qəzeti”

12 2019 12:36 - SİYASƏT
SİYASƏT

Köhnə versiyamızdan xəbərləri izlə