Köhnə versiya

Ən son xəbərlər

Son buraxılış
Arxiv

ADNSU-nun rektoru Rusiyada Fərman Salmanov adına I Beynəlxalq akademik neft konqresində iştirak edir

ADNSU-nun rektoru Rusiyada Fərman Salmanov adına I Beynəlxalq akademik neft konqresində iştirak edir

Azərbaycan Dövlət Neft və Sənaye Universitetinin (ADNSU) rektoru, professor Mustafa Babanlı fevralın 20-22-də Rusiya Federasiyasının Xantı-Mansi Muxtar Dairəsində keçirilən “Neft Paytaxtı” Beynəlxalq Gənclər Elmi-Praktiki Forumunda və tədbir çərçivəsində təşkil olunan Fərman Salmanov adına I Beynəlxalq akademik neft konqresində iştirak edir. Forum ADNSU-nun əməkdaşlıq etdiyi Yuqorsk Dövlət Universiteti, eləcə də Rusiyanın digər qaz-neft universitetləri və şirkətləri tərəfindən dəstəklənir.

ADNSU-nun nümayəndə heyəti Xantı-Mansi şəhərində ali məktəbimizin görkəmli məzunu Fərman Salmanovun xatirəsinə həsr olunmuş tədbirlərdə iştirak edib. Xantı-Mansi Muxtar Dairəsinin qubernatoru Natalya Vladimirovna Komarovanın iştirakı ilə keçirilən konfransın açılışında professor Mustafa Babanlı salamlama nitqi ilə çıxış edib.

Fevralın 21-də ADNSU-nun rektoru, professor M.Babanlı “Gələcəyin təhsili: Neft sənayesi üçün kadrların hazırlanmasında perspektiv təcrübə” adlı plenar iclasın moderatoru olub. Rektor M.Babanlı eyni zamanda “Azərbaycan Dövlət Neft və Sənaye Universitetində tədris prosesinin təşkilinin innovativ modeli” mövzusunda məruzə ilə çıxış edib.

 

ADNSU İctimaiyyətlə Əlaqələr və Marketinq Departamenti

23 2019 11:27 - TƏHSİL
TƏHSİL
15 May 2019 | 12:03
Qaraciyər Elastoqrafiyası

Köhnə versiyamızdan xəbərləri izlə