Ən son xəbərlər

Son buraxılış
Arxiv

Abşeron idmançıları ötən il 256 medal qazanıblar

Abşeron idmançıları ötən il 256 medal qazanıblar

Son illər Azərbaycan idmançılarının beynəlxalq yarışlarda qələbələri davamlı xarakter alıb. Əldə olunan nailiyyətlərdə abşeronlu idmançıların da payı var. Onlar keçən il beynəlxalq yarışlarda 45 qızıl, 24 gümüş və 25 bürünc medal əldə ediblər.

Bu barədə Abşeron Rayon Gənclər və İdman İdarəsinin rəisi Əsgər Əmirəliyev məlumat verib.

Onun sözlərinə görə, rayonda 6300 nəfərə yaxın yeniyetmə və gənc idmanın 28 növü ilə məşğul olur. Ötən il rayon gəncləri 10 respublika tədbirində, 30 beynəlxalq və 48 respublika idman yarışında iştirak edib. Abşeronlu gənclər idman yarışlarında 256 medal qazanıblar. Onlar 11 xarici ölkədə keçirilən beynəlxalq yarışlardan 45 qızıl, 24 gümüş və 25 bürünc medalla geri dönüblər.

İdarə rəisi xüsusilə vurğulayıb ki, 2018-ci ildə Hacı Əliyev Rusiyada keçirilən sərbəst güləş üzrə Avropa çempionatında qızıl medal qazanaraq beşqat Avropa çempionu olub. Xırdalan şəhər 1 saylı tam orta məktəbin şagirdi 12 yaşlı Ümid Aslanov isə Qazaxıstanda keçirilən şahmat üzrə beynəlxalq turnirdə qızıl medal əldə edib.

 

Səməd Hüseynoğlu,
“Xalq qəzeti”nin bölgə müxbiri

12 2019 10:59 - İDMAN
İDMAN
23 Fevral 2019 | 15:28
Reşford kimi seçəcək?
22 Fevral 2019 | 23:15
Beylin qiyməti açıqlanıb

Ən son xəbərləri səhifəmizdən də izləyin