Silahlılar Latakiya və Hələbdə yaşayış məntəqələrini atəşə tutublar

Suriyada düşmən tərəflərin barışdırılması üzrə Mərkəzin rəhbəri general-leytenant Sergey Solomatin bildirib ki, İdlib deeskalasiya zonasında sutka ərzində silahlılar Latakiya əyalətinin Kinsibba yaşayış məntəqəsini və Hələb əyalətinin Əl-Hədər yaşayış məntəqəsini atəşə tutublar.

General-leytenant əlavə edib ki, Suriyanın Rakka əyalətinin sakinləri ABŞ-ın rəhbərlik etdiyi beynəlxalq koalisiya ordusunun ölkədən çıxarılması üçün mitinqlər keçirirlər: "Ötən sutka ərzində Rakka əyalətinin ət-Tabqa yaşayış məntəqəsində mitinqlər təşkil olunub".

Solamatin Suriyada aparılan bərpa işləri barədə də məlumat verib: “Fevralın 1-nə qədər Suriyada 31 min yaşayış evi, 806 məktəb, 136 tibb müəssisəsi bərpa olunaraq istifadəyə verilib”. 

“Xalq qəzeti”